今日返cc，我終於比咗假紙Candice喇...由12月29日放到1月14日先返工，足足放17日...半個月有多呀...
Candice仲話會嚟飲。 好開心哦...
佢仲問我係唔係好辛苦，叫我有咩問題記得同佢傾，佢會幫我喎，真係一個好上司, 好老世...抵你到呢個位架
(嘩嘩嘩...今日又接咗一單, 係生日會，一個名叫victoria的bb，佢媽咪一做做200粒喎)呵呵
今晚返老公屋企食cup noddle，跟住買糖水返屋企食。 再做埋個photoshop就zzzzzz了
gn!!!
今日係星期日，尋晚仲要係成點先有交瞓，但係可借一早又比個死人頭老公打個電話嚟將我嘈醒
佢一早話要去新工睇睇又有咩嘢攪喎...激死人!!
我自已坐車過去新屋附近個商場同佢食早餐，原來佢帶咗佢阿媽一齊上去睇。
跟住做咗少少嘢就離開...
再去荃灣陪佢踼波(屎波)1比1喎...
跟住又行咗一陣荃灣...買咗膠貼了...patrick cox 都係4蚊一呎,,,好特別喎
再買咗一塊浴廉...嘩...185蚊呀, 不過好靚...
今日無咩特別，返屋企食飯囉....我今日做起咗Michel嗰130粒朱古力了...呵呵
晚黑食完飯同咗老公落樓下放狗，跟住佢都返屋瞓交了。
我比Carol一個電話打嚟傾到3:30am喎...嘩...個人眼瞓到輕飄飄咁。 年紀大了，好耐都無試過喇(註明 : 除咗同舊同事打牌除外)
呵呵呵...早唞喇...
今日返cc，好煩呀...走嚟走去!!!
放工後約咗人取餅咭，又買多50張，嘩...又比多1600蚊，都唔少嘢呀
跟住約咗老公去酒樓傾埋啲細節，firm實咗20圍...
攞咗啲康泰禮卷..$2000，渡蜜月又可以平2000蚊, hehe
$4188法國婚紗攝影禮卷...都唔知去唔去影好，條款多多，唔送好過啦
再攞埋榮華85拆禮卷...
傾得七七八八了。呵呵...又一day。 今日老公自已返屋企瞓，我幫michel做chocolate label，做咗大半個鐘，明天返去print埋再cut埋返屋企比老公幫手包好就可以交貨比佢。
真開心...瞓lu...都12點lu...gn!!!
嘩...又埋數又埋數,
今朝同老公又去咗食完早餐先返工。 今日又係喺PR2了。攪車閘...上樓睇DEFECT...又要攪REPORT...好忙呀
不過...今日接到一單小生意，有人要我啲回禮喇, 好開心...真係可以咁揾錢，不過就辛苦啲啦
我諗住做一單玩吓,等結完婚先再投入去啦......
今日返CC...忙到抽筋...又要埋5條邨數，煩都煩死人，KENNY又叫我明天返PR2再幫佢埋數...
嘩, 1個人1個月埋6條屋苑數，有無攪錯呀...出份人工咩...做死人了
放工返學...諗住放學傾工課啦，個個都唔返。 食咗個沙律我都走人喇......
跟住同老公去咗筲箕灣食飯，仲喺"實惠"同埋普通的雜貨舖睇咗一陣，睇啱咗個心心浴簾作露台佈置。不過唔買住, 費事又放多樣嘢，可能遲啲又睇到心水呢...
跟住返屋企無嘢做，不過都包咗少少回禮禮物，都攪到成點先瞓, 睇埋妙手人心
GN!!!!
今日返栢道2號，係無咩特別，仲好悶呀...一日到黑都在上網。
好悶好悶哦，今日同老公返屋企食媽咪煮的飯...好好味呀...
跟住好早就瞓咗LU... 我今日將啲朱古力放咗上生活易賣
唔知道有無反應呢, HEHE......返到屋企無嘢做...早啲瞓啦
70日...仲有70日咋...
我今日喺CC都印咗十幾個帖封...
放工約咗媽咪同埋老公去柴灣食飯, 跟住去咗新屋睇吓 +度位...再之後返屋企...好眼瞓呀,...到此止, 早唞喇...88
今日攞鎖匙....?????
無特別....返工放工，返學放學...跟住返咗屋企食飯，跟住同老公落咗樓下碟，再買雪糕食...
睇咗一陣套戲 "双子神偷" 就頂唔順瞓交lu
今日係清明中節，個個都放假，不過一早又比老公大人嘈醒咗，點解佢個人都唔收ga...好慘呀!!!
一早起身無野做，攪埋啲手尾啦，加工兄弟心口花八個...好快就攪掂咗，落樓下食早餐先....又係red stone...落到去都食午餐時間了...
返咗屋企沖涼就出街買嘢，以上的是下午茶吃...勁
食一粒要飲一支汽水
跟住去佐敦買絲帶
我哋睇中咗哦上牆燈
仲睇到有我想買的油牆工具......太貴了($200???).都係揾公司啲sub仔幫我買(都係20蚊有找)!!!
今日喺pr2...好似忙忙哋，又好似好得閒.!!!
Sally幫我做咗個我的結婚相label, 好靚呀, 於是立即print出嚟過膠訂孔，又真係好fit size喎衰鬼, 呵呵!
2點幾無端端收到個sms，係老公給我的一個短訊，佢話 : 『大人，你今晚賞面同我食餐便飯嗎?』
呵呵...估佢唔到，結果問佢點解會咁，係唔係有咩想同我傾呢，又話唔係，結果去咗食台灣嘢，都好好味喎!
跟住行咗一陣街就返屋企了，返去之前我哋去咗西灣河"明記"買糖水返屋企嘆....
呀...唔記得話比你哋知..我取了結婚介子喇..你哋睇吓
介子裡面仲刻咗我哋個名呀...係刻了對方的名子哦/...sweet sweet /
今日報告完畢...晚安
請伴娘留意
http://file.qooza.hk/userfile/5/8/242058/%B9w%B3%C6%A4%CE%C4%E2%B1a%AA%AB%B8%EAUpdated_on_2.10..xls
我們的當日行程及時間表!!!
click click條link就開到個file了...
http://file.qooza.hk/userfile/5/8/242058/rundown_sample_analysis.xls
未來何生、何太，煩請預先睇一次有無問題啦
到時唔到亂講野呀,拜託晒!!
click一click下面條link就開到個File了...
http://file.qooza.hk/userfile/5/8/242058/mc_speech.xls
兄弟姐妹們，請預先看看我會的會議議程吧, 真的萬二份感謝哦!!
http://file.qooza.hk/userfile/5/8/242058/Aganda_of_mandy_24.10.07.doc
煩...好燥
今日又返PR2，對唔住...因為知道自已唔係屬於呢個地方，所以唔會有心機同比心機，人係自私的，我真的相信。
不過今日無咩想做.喺公司好悶。今日約咗阿倫放工一齊去金都同佢訂伴朗禮服。
跟住ICE喺MSN又話旺角荷里活商場會比較平，但係去到阿倫覺得啲款太過普通，結果都係去咗金都, 我哋去開嗰間...佢平咗比我哋，原本要600蚊，而家450就可以喇..HEHE, 又攪掂一樣嘢...
現在慢慢習慣CC了，呵呵...今朝自己一個坐720巴士返工咋，老公唔陪我..幾日都唔夠瞓，我好眼瞓呀
同老公吵大獲, 又係咁...咩事呀...
今朝同老公去咗椰林閣食早餐，我又係食豬扒蒙粉...跟住返屋企換衫去老公屋企陪佢攞釘鞋，今日佢又要去跑馬地踼波喇...
我約咗mami去銅鑼灣行街，不過最終都買唔到任何野, hehe!!
5:30pm踼完，陪佢同啲波友食tea，嘩...一個20蚊嘅餐
居然可以比佢叫到變到35蚊(因為佢將杯野飲轉咗做忌廉溝鮮奶，再將個通粉變埋做面又加2蚊)，唔駛錢都唔駛咁叫呀老世!!!
跟住我同佢行咗一陣街，去咗一個新商場行，買咗4對耳環，一對送咗比青青，另外3對如下 :
1. 2. 3.
各位姐妹，由於近日天氣亁燥，記得好好保養呀，我今日個咀就係乾到裂咗，好痛...結果買咗 買一送一呀，新出的金色是維他命e，勁見效，用咗一陣，即刻唔痛lu!!!
好好用，我同我朋友一直都用開, 又一推介...43.5元 / 2支
最新日誌
日誌分類
訪客留言
我的好友
，佢媽咪一做做200粒喎)呵呵
,,,好特別喎
今日係清明中節，個個都放假，不過一早又比老公大人嘈醒咗，點解佢個人都唔收ga...好慘呀!!!
...太貴了($200???).都係揾公司啲sub仔幫我買(都係20蚊有找)!!!
2. 
3. 
買一送一呀，新出的金色是維他命e，勁見效，用咗一陣，即刻唔痛lu!!!
