今年計埋得22封利是 真係少左好多好多.....
D功課都搞掂晒...
聽日就要返學了!
咁就見到你^^
期待你既咖哩魚蛋.....
快D到聽日啦..........
米修米修^^

呢個問題我諗左成晚 或者係我唔適合做你既男朋友 抑或好似你之前咁講自己 我根本就唔適合拍拖
但係我真係好愛你! 呢個大話其實講黎冇咩意思 但我又唔想你覺得我成日唔理你.....
對唔住 呢句我諗都冇咩用.....我諗我既誠信依家係負緊.....

依家我先發現愛一個人要諗好多野......第一次比人揭中一個大話原來係可以咁傷心.....
你唔再信我 我都明.....狼來了既故事我亦明白......
呢個可能係一個考驗 又可能係一個疤痕.....一世不會走既疤痕.......

呢排天氣真係好反常! 又凍又熱 搞到我個鼻傻下傻下...
不過琴日攬住你真係好暖 應該係未試過咁凍攬住一個女仔....
岩岩我同我2個家姐突然心血來潮 點解次次得我地去朋友屋企 唔可以人地黎呢?
就把心一橫 決定把呢個垃圾崗變番一個正常既屋企....
執屋真係唔係一件易事 D塵令到我係咁流鼻水
依家凍到隻手冇咩感覺....搞到唔想打字....
突然好掛住你!!

今日又呆係屋企打機 食飯.....同平時冇咩唔同 都係一隻豬咁 
我覺得今日好凍...
不過終於都做完個死人英文report
依家又打下日記....


我同你既距離未就係西灣河同粉嶺既距離 話遠唔遠 話近唔近
不過只要係你需要我既時候 無論幾遠我都會黎,,,
不惜一切....

痛楚痛楚 快快飛走呢句係你教我 依家我同你講番^^
今次係我同你過既第一個情人節^^
我會永遠記住!

平時我最怕就係識飛既小強
但係依家唔係啦
現在我怕好多野
當我拖你手時 怕會同你分手
當我攬住你既時候 怕你會推開我 攬得你愈實 就好似愈易鬆開...
當我錫你既時候 怕你唔再想鍚我
當你嬲我個陣 怕你唔再理我
當我愛着你既時候 怕你唔愛我
我依家先發現原來我都怕好多野.....
可能太愛你啦!