今日做做下野無啦啦有人打黎搵我 原本佢地同我farewell問我想食咩
我話零食個D吧 佢地最後買左燒肉 ....
最重要係有隻大雞俾 見到佢我就諗起你....
因為知你餓 留番比你食....
睇你平時係屋企都冇咩零食..順便比埋你.....
呢個都算係個藉口 因為我真係想見到你^^
有開心野我都想有你係我身邊..........
因為想同你分享.......
仲有2日我就完實習啦...

愛得一個人就會盡自己所能去愛疼佢 去保護佢 令到佢開開心心^^
經過嫲嫲既離開 我發現左<<<珍惜眼前人>>>黎句真係好重要 唔可以等失去左先黎後悔
可能我唔識去愛一個人....但係我會努力.......

當你喊既時候 我一定會係你身邊 你開心既時候我都會係你身邊..
我做到既野只係咁多?定係仲可以再多D 我真係唔知........

今日收到一筒糖幾好味.........我發現左我副主管同我同一中學都係HKCWCC
唔知點解我主管喊..... 真係想知 但係廢事問 問同事又唔知...
我日日用成幾百張紙 好唔環保呀 對唔住呀 綾色力量既人@@
冇咩野特別 都係番工等放工.. 不過仲有3日我就要離開永安啦.....
有少少唔捨得 不過都係返學好好多 可以見到你更多......
 

今日又係平時咁 返工等放工...
不過今日收到消息 永安CEO要轉人...
下午冇咩心機.. 可能因為某人 但我唔知道..
不過有你氹番我 總算開心番...
日子過得真係幾快 placement都就快完...
呢個placement話長唔長 話短唔短..
不過同左你一齊算係最重要既一件事
你唔開心 我又唔開心 你開心我又比你影響到...變得開心番 可能人真係咁化學

第二樣野我都唔知應該幾時做好 諗下諗下都係唔知自己想點...
總有一日我會知點做...期待下啦^^

今日一返到去 個個都問候下我...仲問我駛唔駛請假 我話:算啦 唔駛啦 我做埋呢個禮拜就走啦!!
下午食日本野係cwb都算平...只係26蚊就食到...仲幾好味tim...
食野個陣 平時最多野講個2個坐埋一齊....最正既係食食下飯佢地講起個好好笑既問題...
男同事就問女同事: 你知唔知屎忽洞既功能係咩@@?
女同事就話:緊係痾屎啦
男同事就話:大錯特錯 答案係有三大功能
第一係放屁
第二係唔比D屎流出黎 反地心吸力
第三亦都係最重要既就係幫手CUT開D屎
我個陣食緊呢個滑蛋豬扒飯都想嘔番出黎
不過諗深一層又好似幾岩下....

今日放工係咁比人踩.....
真係忍唔住踩番佢....
放心啦 我踩扁左你會吹番脹你架^^
我怕吹到你比之前肥左..唔係應該係脹左@@

五日好似過得好快 又好似過得好慢......<-----------------------------------------------廢話-.-

今日係公司做做下野 爸爸打黎話 嫲嫲就黎唔得啦 你黎唔黎睇佢最後一面?
我一開始話行唔開 你有咩進展就打比我啦....做多半粒鐘野我二家姐打黎
你黎唔黎呀 你去問下公司比唔比你走啦... 個刻我仲猶豫緊...直到某人同我講你去啦...
我當時即刻就做左呢個決定

如果我做錯呢個決定 我諗我會後悔一生一世, 當我去到醫院個陣 個個都喊晒 ,
我入到病房 見到嫲嫲好辛苦咁呼吸 我個心就好痛 唔知點解我一點眼淚都冇 可能我堅強啦 今日我明白到咩叫眼淚在心裹流...

當我見到爺爺同嫲嫲講既每一句既說話都令我好感動..... 爺爺話:我地做左幾十年人.. 有兒有女,連孫都大晒 你安心去啦 今日大家都黎齊見你
雖然你講唔到野 但我地知你聽到.... 今日你雖然行先一步 去到天家 就冇病冇痛....他日我地會再見...

我諗番起細個嫲嫲對我地三姐弟何其好....就好唔捨得.....
不過傷心同難過只會停留一陣 唔會長久 
 

再次多謝你幫我做左呢個唔會令我後悔一世既決定... 
永遠懷念你.......和藹可親既嫲嫲