成個禮拜冇打blog啦!!!!

但係真係冇乜野講

只係有d失望  

個豬流感搞到冇得去camp  又要留係屋企啦..

到左今日先知改期仲好 成日落雨 又3號 去左都唔知有乜好做

.....番多3日就唔洗番學架啦  d試後活動乜鬼都冇哂  悶爆呀!!!

落左成個禮拜雨 搞到日日番屋企冇野做 

今日考左ls同英文dictation,listening

LS都唔算難  做得哂  冇唔識

個DICTATION就難少少 幾隻字唔識寫 不過大部份都OK

而個LISTENING就難....好多字唔係好識串 加上個死人耳筒壞左

出左去借  ~~~

聽日考hist 最憎  好難集中溫書  預左唔會太好......

今日同阿媽阿爸落樓下食早餐

之後番屋企打左陣機

又去左茶樓飲茶=.=

但係依家仲冇乜心機溫書  但係始終都要溫 ...

既然聽日考geog 比d tips大家

1.記住寫名

2.要帶繩,量角器

3.要溫哂d map reading  一定會出架啦  (佔10-20%到啦)

希望幫到你地啦..

今日冇乜特別既 正常咁番去補習 只係早左一個鐘

補完習同阿媽出街食晏      去禾"邪"食日本理料  個餐都算好味既

跟住去左惠康買野  買左筒糖同一盒七喜  仲送多支激浪 汽水比我  (賣廣告果枝)

個味道同檸七冇乜分別"  好彩係送 買左都唔抵..

跟住係屋企好悶  又唔想溫geog

為有聽日先溫.... 易入腦d~~

  個樣~~  第一幅全圖  第二幅牌子

今日考完數學

有幾題唔識 大部份都ok既 希望有90分以上啦

聽日中史 有排溫  T^T...  

教育局宣佈左停課 好彩唔關中學事   可以考埋個試佢  唔洗暑假補番~~

考試第2日啦

考左英文同中文

英文比想像中簡單  生字全部識哂

希望有好成績啦

中文反而唔係好得  有d唔明

40分多d就ok啦  唔洗太好要求

聽日考數學  驚驚地...唯有做多d數 

大家都要努力考埋呢個試   !!!! 冇野係做唔到既!

今日禮拜真係多野搞囉.....!!!

勁多野發生    基本上要日日打blog 不過懶...冇打到

第一日就HE  一番去遲左到=.=好彩佢冇乜點鬧我....

但係今次係4條友一齊整舊糕...我同阿滔就乜野既...但係格離就唔好講啦!!

搞到舊糕唔知變左乜樣.中間陷左落去 樣衰爆=.=...好彩個味道都ok既~

星期二lin sir 派左份maths比我地對..話搵到錯左既有野食...

而家又坐係個board格離 係中文堂果時搵...結果搵到一個勁大既錯處!!!!!!抄錯題目.....=.=""

所以係is堂即刻同佢講   係放學佢帶左我去小食部....買十蚊樓下既野

我諗左陣買左筒萬樂珠 $6.00   咁樣就屈左lin sir 6蚊啦  哈哈~~~~

點知放左學係樓下間OK發現  萬樂珠係5蚊  .....(無奈)

禮拜三  day3啦 最正既一day 點知佢落雨 

上左hall..

冇得打籃球...但係班女仔就係下面  

跟住音樂堂唱歌  到番班男仔唱啦  ......

阿智障真係唱得好好   阿傑就好鬼勁  記左歌詞  點知唱唱下冇左音樂  清唱埋落去 好野!

day4考試啦....第一科普通話   有dd唔識  不過都ok既   跟住maths堂派曬所有quiz 全部唔合格 (囧左一囧)

到左day5考埋music同中文listening  music就唔係好識...listening就ok既   去到maths堂又test  做完後即堂對卷  我答咁多題全部arm曬  

真係唔知發生咩事啦...  係放學前葉sir 開咪 要拎番曬d野番屋企  塞到個書包漲左  阿傑仲抵死  個書包爆左  連個袋都好似要穿咁  唔知佢點拎番屋企啦..

阿no都拿左個紙皮箱  好似汁屋咁樣..歐陽就好d  用手抱住d野  但係比人撞到唔知會點樣呢??

個死仔vito冇野拎 仲要幫埋人拎野番屋企  想打佢=.="

下個禮拜就考試  加油努力溫書....拿個好既成績表番黎!!

呢個禮拜夏令啦  終於放2點半

又多d時間打波   但係落雨   剩係星期一,二先打到...

仲要成塊地濕曬 要拖乾塊地先打得波...

到左星期三,落到阿媽到唔認得   結果留左係學校  同阿no,vito,歐陽,louis玩truth or dare

玩到細雨即刻走人,但係仲落緊,始終都係濕曬~~~

端午節    最悶一日,無野做,功課又做曬,又唔想打機,到左夜晚出街食飯.....

星期五係day7 又聽日唱歌  點知又冇野聽   係度混吉 

下堂到番d男仔   就有野聽啦~~

WOw...ct派左成績lu  平均分有75

總算唔係太差    要keep住咁落去  

琴日唱完歌  都算ok  阿輝同王子好鬼正

仲有16號之後果d 全部玩咪嘴    啞左咁

乜都聽唔到   希望下堂多d野聽

又一個禮拜啦...

CT都派得七七八八,成績都ok既.

中文24/30   中史36/40   maths 47/50

呢幾科係最好架啦....

Then,通識project終於報告左    差到冇人有  d組員完全唔合作 

個LS總分合唔合格都唔知....  好火!!

星期六個geog 考察   十分成功 !!!!!

去哂所有地方,仲有大把時間剩   係麥記坐左20分鐘 番到德福仲要食埋雪糕  正呀!!

後日又有音樂堂啦   我要唱歌加吹笛 (打孖黎)   不過冇擔心過  輕輕鬆鬆鄧梓峰~~~

 mega box 一張相~~ 巴士廠 冇乜特別

到此一遊!!