今日教練叫我地去旺角睇學界精英賽，仲話出去先食野~~~~我同城仔，呀超，龜佬一齊出，一去到彩虹，就見到腳子系度食住手指等我地，或者佢真系太肚餓了（ME2），但系搭緊地鐵果陣佢又拿住隻手指來食，死仔，之前就唔話你姐，但系系地鐵度就真系不得不說，因為地鐵站內請勿飲食啊~~~~~~

去到旺角，真系誓估唔到啊炳（衡哥除外，佢話遲D先來）會系最後一個到，平時佢次次都系第一個到之後苦苦地等果個~~~~~等齊人我地就去左傳說中GE“香港仔魚蛋粉”度食野~~~~衡哥就打電話來問我地系邊，教練同佢講話系香港仔，意外的是衡哥竟然知道我地系邊，或者系佢D兄弟講比佢聽掛.............千思萬想之下終於決定左食咩，城仔同我真系好餓，D野一來到就好似餓狗搶屎咁埋頭苦幹~~~~~呀超同教練都叫左沙爹牛肉金菇飯，唔知系咪個老闆見呀超比教練帥，我果碗野落足料（各位觀眾，特別系梁松GE FANS睇到呢度唔好拿雞蛋扔我啊，呢個系事實來架，碗野真系落足料架，沙爹汁變左沙爹湯........）。。啊JOE同城仔一齊坐，好難得見到文科雙煞一齊，但系佢地彼此間一句野都冇講過~~~~~呀超冇咩存在感，佢奶茶都未飲完，個個就走曬人，去SEVEN買野飲又系咁......

幾經辛苦，我地先入到麥花臣室內籃球場（因為教練帶我地行左條歪路，勁KAI，還好入去唔洗錢）。一入到去搵位坐，終於可以安心睇波~~~~一開始系4強，男拔同英華都好勁，佢地都順利入左決賽。。。人地真系財雄勢大（波衫系adidas），人強馬壯（有好多六尺高的臭傢伙）。特別系英華果個肥仔麥超變態，又高又肥兼強壯，跳得，傳得，搶得，射得，炒得，真系無所不能~~~~~中場有個3分投籃大賽，一共3條友，第一條友還可以喇，20分拿左8分~~~~之後果兩個就唔好提了，佢地出盡飲奶GE力都系射個AIR波.....只是系某個位置比風吹入左一兩球~~~~~唉，8分都贏到，仲有對鞋同波衫拿呢，超正~~~~

打完準決賽，就到左明星賽，見到好多明星啊~~~~李逸朗，陶大宇，謝天華，苗僑偉（佢熱身果時射左個AIR BALL，得到全場虛聲），吳嘉樂，吳卓羲，司徒（遂）琪，仲有3分射手翁金華等等~~~~~~~一開波，謝天華就來個PASS BACK，唉，你都系跳舞算喇，打波唔啱你~~翁金華平時聽佢講波就多，但系睇佢打波就真系第一次，好想見識下佢D  3分，但系佢偏偏要逆我意，一球都唔射，失望~~~~~~其實佢地都冇乜人識打波，唯一OK GE就系李逸朗，上籃幾型下，啊水都唔差~~~~~

教練佢地睇到悶曬就出左去打波~~~~差D唔記得睇吳卓羲呢，佢真系好搞笑，唔識打波，上到場上系咁搞自己條褲同對鞋，but都系別怪他了~~~~~幾經辛苦睇佢地打完波，得果兩隊都分冠亞軍，真系無奈~~~之後好多人（多數MM）落去同班明星影相，特別系啊水，朗朗都唔弱，佢地基本上系來者不拒~~~~其實呀超講佢都好想出去影翻幾張，但系冇人陪佢..........依家真系後悔莫及，機會錯過左就冇了。。。。

後尾到男拔同英華打決賽，英華D啦啦隊真系超強，叫得超大聲，搞到地動山搖，而且佢地仲玩埋制服誘惑呢。。。。。睇完上半場就冇睇了，因為坐到悶了~~~~~~之後出去會一會教練佢地，系果度打波，著住便服打真係好唔慣啊，超廢~~~~~~

食完野之後翻屋企~~~~~~~~~~