尋日無打到日記添~~算啦~~

今日一早起身~~刷左牙洗左面...見到套校服超皺...咁就燙燙佢啦.....點知燙燙下...燙到搭7喎...極勁遲到..之後就以9秒9時間食早餐.執書包.出門口...返到學校都仲係搭9...好彩....

其實遲到無乜大不了~~但係因為小學個陣試過一次遲到..個老師鬧到我勁驚......之後...我就真係未試過遲到一次啦..

朝早個陣俾個miss leung鬧....又話咩a班唔應該係咁唔應該係點點點........我地可能係唔想做個咁乖既學生架喎...呢d野係你想我地乖...唔係我地想架!!!咁我地同d傀儡有咩分別姐....點解香港咁多人唔識思考姐..咪係因為佢地成日淨係識得聽miss話...佢地同個老師有咩分別姐!!!個miss成日都係度講講講...遲早搵日我忍唔住既我就會鬧死佢架啦啦!!!

之後就無無聊聊咁上堂....死人"側田"同牛丸係咁拿我d野...之後就係度搶黎搶去...低能的 ...d時間好似過得好快咁....好快就落左堂lo~~

放左學個miss又黎check又黎嘈.....激死....跟著就去左同椰子樹,爆石,pinky去買紙......爆石仲請食雪糕呀~~呵呵~~好味~~ 買買下就買左差唔多成個鐘喎....今日點解d時間過得咁快咁既呢??

返到屋企之後就沖涼....沖完涼之後就打日記啦~~好乖呢我~~而家就要做功課啦...... 好多功課做呀......點算好呀.......