今日放左學就返左屋企....換晒衫就出門口....本身諗著搭巴士去既....係就黎上車個一刻...電話個度話:飛的啦~~於是就飛的去理工...康仔仲請食珍寶珠呀....哈哈~~我仲食到橙味..... 呀康仔著左裇衫之後好似柳民赫.....

去到之後....諗著跑去架嗎...但係就因為著裙......跑唔到......搞左1大餐之後就搵到琴琴啦~~比起佢d同學...佢真係好細粒.....成粒蕃薯咁..... 跟著係度影相...個個個笑樣都係咁~~e起排牙笑..招牌笑容黎架嗎!!而且睇得出個個都係發自內心咁笑出黎~~個刻真係好開心架~~唔會有咩虛偽.........傻強表哥伉儷一陣之後就到左.....又影左好多相......."柳民赫"同表哥影左好多嘔心相...... 嘔死......

一陣就去左食飯......原來琴姐著裙喎..........估佢唔到......間酒樓d服務態度超差囉......上菜個陣係度dum d野落黎咁......低能架.....勁想打人囉....係我面前dum野...未死過定啦佢!!

食左飯之後就各散左東西...娜表嫂要去百利,錦錦家姐要返屋企...<-錦錦家姐係認番黎架...好好感情架同佢....咁岩又係姓馮...咪叫佢叫埋我媽咪做媽咪囉~~咁就做左我家姐啦....."柳民赫"就要搶火車返廣州....佢話聽日要表演..今晚要返去啦喎.....咁我,霞霞,琴琴同明輝蝦片就去左飲咖啡啦~~(明輝蝦片係明仔同老豆既總稱)我飲左杯朱古力咖啡~~ok架~~本身諗著話去睇人體奧妙展...但經過一番掙扎之後...都係無去到......行多一陣街就搭的士返屋企啦~返到屋企之後好似死左咁...沖左涼之後就攤左係床度訓覺....我訓訓下個陣我仲記得我諗起d野...跟著係度笑..笑到醒左.....之後又訓番...哈哈~~我記得好似我係諗到養狗呢樣野架~~老豆話遲d可能係大陸請個人...專門幫我地養狗.....如果係既就可以養金毛啦~~

今日乜都唔玩啦~~唔得閒搵野俾你地玩啦~~