今日miss梁又無返...又係個死人miss嚴...八婆!!!!!!我懷疑佢都唔知係唔係老得淨嫁唔出所以就將d怨恨發泄係學生身上...佢痴線架~~代西史堂佢竟然叫人一係做西史d野一係就睇英文書...連人地睇咩書都要管...我都費鬼事理佢..係度睇呀冰借既"中國歷史名人探秘"...經過在漫長既世紀之後..佢先話:你係睇緊咩書呀...跟住我咪話佢點解一定要我地睇英文書....佢既答案係:要鞏固英文喎....英文係國際語言喎.....    我咪話中國而家都好犀利架...況且我地應該睇多d唔同層面範圍既書..唔好淨係局限係英文書..之後佢就走開左.....哈哈~~其實我已經諗好晒點同佢講架啦~~咁樣講...咪算俾面你囉!

音樂堂又係佢代...我同yan chan調左位...好搞野....我同pinky係咁講鄉下d野...我記得以前婆婆個度仲係要燒柴煮飯...跟著我就成日走入去係爐邊燒野食...極好玩...我仲好鐘意走入去加柴...冬天個陣好暖~~

岩岩睇左驅魔人前傳....嚇死咁淨....當我話佢無乜料到個陣佢就黎嚇我.... 搞到我同霞霞攬埋一舊.....前傳完左....咁有無正式架...

尋日同霞霞講番漩渦...係一套日本既鬼片黎架....我好細個就睇過...我仲記得個晚我睇完之後發惡夢...半夜醒左之後又訓唔番..我仲叫醒霞霞陪我...點知佢唔理我...搞到個晚自己一個勁驚.....

講完漩渦...又講到逃生同自殺既方法.....原來吊頸死係最舒服架...但係我屋企...橫樑都無條...吊鬼咩~我諗自殺既方法係因為活死人凶間呢套戲架..個陣嚇到我唔夠膽出街...等lift個陣又驚無端端標隻野出黎......跟著我個排成日係度諗..我地係咪應該買多d米同公仔麵呢...個排我覺得自己有d精神緊張....差d就痴埋線....我以後都唔睇個套野既續集架啦....

其實我覺得驅魔人無活死人空間咁恐怖....因為活死人空間講既係可能係你身邊發生既事....但係驅魔人就難講d~