今日約左詩爺一齊去剪頭髮....等既時間長d......詩爺剪到好快喎......但係剪完好似無剪過咁....咁不如下次等我幫佢剪啦~~

我就剪得都ok啦~~唔係太快唔係太耐.....剪完之後好涼爽呀~~哈哈~~薄左好多....蛇仔明就話:剪左之後靚女左咁喎...我就講笑咁講...其實我dayday都靚女~~哈哈...當然..呢個係無可能的事~~

返到屋企...又開始練習我個大計啦~~哈哈!!我決定左今年既樂器考試玩小提琴.....所以我要練習~~今日好左架啦~~雖然都係鋸木咁....但係鋸得細聲左~~哈哈~~跟住拉拉下...就諗住拿老豆舊個個小提琴出黎拉下..睇下d聲靚唔靚...←我屋企有兩個小提琴...一個年資得6年到...一個就10幾廿年啦...10幾廿年個個係老豆既....   個小提琴擺得耐...d弦鬆晒..咁我咪較番緊佢囉...點知較到第3條弦...竟然俾我整斷左....係擺得耐..都唔晒咁玩我掛.....跟住我拿左d弦黎換...研究左極耐.....就黎盲咁淨...最後我係成功左架..但係條弦都係斷左....因為換個條弦都係擺左10幾廿年.....過分!!!!玩野姐!!

霞霞去左睇戲....又唔預埋我...傲慢與偏見呀....莫非我同你真係有緣無份??

今晚有monster睇呀!!雖然我唔係佢既忠實fans....唔係晚晚追...但都覺得佢係好睇既......

岩岩蛇仔明好無聊....係度一路拍蒜頭..一路係度講:憤世疾俗呀...當你拍薑咁拍..咁我咪問下佢:下~你拍緊咩呀?咁佢就話:我拍蒜頭咋嗎...不過當佢地拍薑咁拍咋嗎....     但係....拍薑同拍蒜頭不嬲都一樣架啦..無聊蛇仔明~~