好耐都無打日記啦........呢排太多野啦~最大穫係炒左車.......唔係汽車.....而係3輪車......

事發經過如下:個日去左荷塘5舅公度....之後姨婆踩左架3輪車過黎.....咁我地4兄弟姊妹就踩去玩....3個坐後面個"兜"一個踩.....本身不知幾相安無事~~但係到馮瑞琴踩回程個陣...出事啦~~佢無端端佢踩左過對面線...仲要差d沖落個屎塘←屎塘:個度起公廁多數會選係有水流既地方,原因:方便...一痾就落個塘...無需沖廁.....有時去去下仲會見到有條魚經過...一路去廁所一路賞魚....咁閒情逸致.....

好彩最尾無沖落去.....馮日康跳左車順便拉住架車...但因為我地個個側埋一邊....搞到架車反左....個個都搵我.....霞霞同3輪車都責晒落我度...霞霞整親個嘴←"cool牙中...俾d野整親d牙肉....而我就係小腿,手踭同頭.....腳就因為架3輪車跌落黎責住我...手踭係因為落地個下....而頭....就因為霞霞撞落我度.......

不過咁都好.....我寧願反車都唔想跌落塘.....我唔想成身屎返去...又無衫換......但係...反車之後.....坐埋一邊既一班呀婆同路過既一隻狗係度側目我地....個下真係覺得......馮瑞琴係唔係有問題架!!3輪車都反.....都唔知佢咩人.....所以我地綜合左一句:不論係兩個蹗既單車,3個蹗既3輪車,又或是4個蹗既汽車...只要係馮瑞琴駕駛既...都唔好坐...

之後有日馮琴個fd同佢男朋友黎左我地度.....我地就出左去食飯.....途中見到有個人岩岩撞左車...係摩托車同汽車撞....摩托車個司機極恐怖呀....成個人d面色黑晒...又訓左係地下度.....唉~~恐怖~~

食完飯之後去左唱k...原來佢既中房都好大......同大房差唔多姐......跟著就去左食宵夜.....食燒烤~~好好食.....第2日起身仲有個"朕"味係度~~~

返黎個日朝早就去左韶關南華寺.....好早起身....我地係一個車隊既形式去既....點知有條友懶醒...行錯路又要帶頭....搞到我地行多左17km...行多差唔多大半個鐘..遲早斬佢~~

去到就食左飯先......d野都...."好好味"喎........其實最好味係d飯....無油無味精.....跟著走個陣見到兩個日本人..斬佢!!!!

去到南華寺....好恐怖.....好多人....隨時要留意自己有無俾d香整爛d衫....睇下睇下.....覺得d人好賤...係d牆度寫滿晒d咩到此一遊...呀嬸...人地鬼合你乜水1咩...係個度寫野既人將會受到萬千咀咒!!~!!!!

行行下行左去佢個度既花園~~~好舒服...個感覺好仙境~~不過d人就大煞風景~~可惜可惜.....好多人成日去"dum" d銀仔落池呀塘呀....唉~~佛門清靜地..俾人搞到滿門銅臭.......我走個陣仲聽到有人踩爛門檻......好心肥就唔好踩啦.....我就估1年之內呢間寺要維修...3年之內會俾人遺忘...因為已經爛晒~~

今日就好玩啦~~哈哈~~夜晚同馮日康同霞霞出左街食飯....食吉野家..之後就去左睇戲....睇魔幻王國....比預期中無咁好睇....d細路好老積....有d唔似....個雪女巫幾型~~順帶一提....買爆谷個陣買左個大既...食到我地好滯....唔得啦~~

而家...好夜...好眼訓...