唉.....今次返大陸拜山....ok好玩.......無乜笑料出現....今年唔係8叔同呀6搬燒豬啦...搬燒豬組合變左係馮日康同旋仔...無乜笑料..我就成日趁旋仔油字個陣匿係個碑後面..係度叫佢:旋仔..我好凍呀...我好掛住你呀←陰森加用鄉下話講...搞野~~

走個陣好搞野...經過個士多啤梨場...走左落去摘既得4個...最唔理智個4個包括有:蛇仔明.6毛←即係我老豆個大嫂啦~.8嬸同埋毛毛←唔知點發音...其他個d一係就係車訓覺..一係就係度圍觀~我係圍觀個d...仲係度玩狗..幫隻狗改左個名叫盧比....

食完飯之後就成班堂兄弟姊妹出街...馮日康揸車呀....好驚..但係佢揸得算穩定左架啦~~成車人既生命交晒俾佢....本身諗住去睇戲...點知無戲好睇...以為有極地雪犬睇點知未上晝....大陸譯到超白痴..笑癲左...叫倏南極大冒險/零下8度..完全唔關事...銅牆火壁(fire wall)佢又變左做防火牆..即係算點先~~咁就sai左20蚊(橋費)

無戲睇就諗住走去踩冰...點知盪失路...好似冒險咁...好彩個車牌係中山牌唔係順德..唔係俾人笑死~順德人係順德都盪失路....失敗~~之後馮日康認得其中一條路轉得番出去..唔係就死啦..要救命啦~~我地用左成4個字先搵到點走..踩冰都無時間啦~就去左唱k..唱到12點幾閃...

跟著個日就過左婆婆度拜山...見返林蔚敏同鵬鵬(林蔚敏細佬)呀~~鵬鵬大我一年..林蔚敏就大我3年....我地同佢地3年無見過啦...初初見差d唔認得鵬鵬...我以前成日同佢玩....有次我係度話:今晚你就知死...我趁你訓左個陣插支牙籤落你鼻哥"隆"度..←而家諗起..有d變態~~   跟著俾人地笑我呀...話我講d野好似變左佢老婆咁...跟著仲改編變左:你個衰佬今晚你就知死 咁都得....

上山個陣痴線架...唔知係人定係動物...痾左舊好大既屎係路中間..上山仲要係得個條路...搞到個舊大屎既主人受到萬千咀咒....拜完之後..係個山上面hea....空氣真係清新~~但係d人成日迫人地食野..痴線架~~咁d野係重...你拎上黎做咩呢..又無用既...係度迫人食晒d野....又話要食蕉又話要食蛋糕...仲要飲汽水~我個陣靜靜雞同fd d既講:再係咁食...我都要係度搵番個靚位訓啦~~  俾人鬧我痴線....

馮日康極慘呀....諗住係廳度訓陣~都俾人嘈住晒.個個人係度話:你上去訓啦..呢度有人嘈你架..好多人架..    其實..嘈住佢既咪你囉~個陣廳都無人..後尾馮日康走左上牛倫房訓算...

今日睇左一本書...叫做醜陋的中國人....講d野..好岩..搭車個陣..亦深切感受到佢所講既..佢有一度係話中國人好嘈..由其係廣東人...完全正確..由細到大..我都感受到..都唔知點解d人咁嘈咁煩架....唔晒力架咩~如果有一日我返左大陸既時候..聽到順德有咩人瘁死既話..個個可能係我黎架....嘈死既~下次都係搵老豆車我地落去算啦~~

走之前去左買書...其中一本叫做安妮的日記..幾好睇~~