今日係坪洋公立學校最後一年既畢業典禮

番左去坪洋..見到D老師同舊同學..

老師冇咩變到..就係D同學變得最多..個個高我成個頭..搞到影相果陣特別矮= ="

諗番起小學D同學同中學D同學..小學果D單純幾多..相比之下..中學果d幾虛偽..犯賤..機心..

依家小學比較熟果d放假都會一齊玩..同佢地玩好過同d中學同學..

因為唔洗驚佢地會害你..玩你..呃你 ; 同中學同學玩就冇咩興趣..成日要提防..又幼稚,,冇d成熟..好似成日想謀你d野咁..唔誠實..

所以..我最開心既係同小學同學玩..可以一齊玩牌..打痳雀,,輸左既飲水喉水or酒..成日玩到天光..

雖然唔係全部都係同一界既畢業生..但係都冇分大細..照樣一齊玩..

小學既班主任盧老師冇去到呢個畢業典禮..真係有d掛住佢..哈

唔知佢係咪又去左第二度旅行呢,,

話哂佢都係教我中文既老師..唔係佢幫我打好語文基礎,,我中文依家可能會唔合格..

仲有就係易老師..

佢教左我好多年英文,,唔係佢幫我打好英文基礎..上到中學都冇咁輕鬆..真係多謝哂..

仲有方老師..

做左好多年既訓導主任..小學都見過佢幾次..

佢開頭會係咁鬧你..等你知到衰啦..跟住先慢慢講解俾你聽..

聽完佢講既野之後..條氣雖然唔係好順..因為次次我都係俾人撩= ="

但係都令我明白到凡事都要忍..以大局為重..

何謂為左呢D野而令到自己聲明受損呢..有時退一步,,可以進三步..

以退為進,,都未嘗唔係一個好既策略..最可怕既敵人莫過於此..

今日莫雞同王景都冇黎到..

以前同佢地好FD..但係上左中學之後就冇咩聯絡..

莫雞仲好D..撞到過佢幾次都叫佢黎我屋企打機..

王景就真係正係見過佢一次..之後就冇見過佢啦..聽講佢正係掛住o係屋企打機..

小學...始終都要畫上一個句號..

反正世界上..冇野係永遠..始終會緣起,,緣盡,,緣滅......

所以都係唔好睇咁重..  記住一句歌詞------要別離總會別離...

番到屋企同冬兒玩msn..

發現佢教識左我3樣野.......

第一,對人唔可以太誠實 因為你對人誠實,,人地可能呃緊你

第二,無時無刻都唔可以輕視任何人..就算佢表面幾天真都好..佢都可能會傷害你

第三,虛偽既人有好多..你認為自己好清楚佢..其實你清楚既只不過係佢表面或者佢以前既野..依家同你稱兄道弟既好友..那怕第日就係害你既人

                                                               人性______真係殘酷、虛假..