嘩嘩嘩!!!   今日中文份卷勁長   做唔哂   成part文言文冇做   冇左5分   嗚嗚嗚

GEO有D難   有D易   有D簡直唔明佢問咩   唉   今次測驗大部份都係「空」多吉少

測完驗   本來諗住同阿飯 鍾伯去沙田食飯   跟住上阿飯屋企   但係點知果個鍾伯無lala又話要復診   鍾伯話想我地入馬鞍山同佢食   仲話車錢佢比   咁就冇所謂啦

入到去   鍾伯叫我地響新港城度行吓先   我同阿飯就行左落公園   點知我掛住同鍾伯傾去邊度食飯   佢又話好多野唔食得   問佢有咩食得又唔知   所以搞到我一個唔覺意就踩到香口膠   好彩行多兩步前面洗地   好快冇左好多   最後去左健康工房食拉麵

跟住上左阿飯屋企   先睇特務SK2第3集   再睇Mr.Bean   阿飯同鍾伯又響到講Ke.lam同劉穎瑜上黎做MATHS project D變態史

跟住想玩【PS1】  點知阿飯部電視太舊   佢又唔識插D線   我地3個人搞左10分鐘都搞掂D線   跟住搵手制又搵左5分鐘

走果陣   我同鍾伯話一人想買定4張shuttle bus飛   果個阿飯淨係幫我地一人買左2張   仲要1張用黎搭返走   搞到得返1張

落到大圍   好口乾   買左一枝蘆薈粒lemon tea   勁難飲