唔知點解呢，我有D唔開心

雖然只係隨口咁講左句話星期日其實只要佢肯就有得見

但聽到佢好冷靜咁答冇咩可能嘅時候

心頭有少少麻痺的感覺，仲有D酸

自己都知道其實只係佢返工好攰，日日舟車勞頓所以先想星期日停低抖抖

但聽到佢咁斬釘截鐵的語氣，始終都會有少少失望嘅

話完全唔介意就假嘅

但總唔能夠怪佢，而我要做的就係體諒佢嘅攰

剛才打電話俾佢的時候又唔知發生咩事咁

佢俾我一種好攰好攰的感覺

搞到我覺得自己好似又搵錯時候搵佢

成日廿四小時流流長

我就淨係得果1個鐘左右到可以聯絡到佢

或者係可以俾我去聯絡佢

等左成日都係想同佢傾多兩句偈

但有時聽到佢冇乜心機的聲音時，我都好似突然又冇乜心機

仲有D驚係咪我又煩親佢添..

或者佢根本冇呢個意思，只係令我聯想起呢個議題

其實，會唔會以後，都唔好再主動搵佢好D呢？

即係，instant messaging可以搵佢講(打)多兩句話，但電話就可免則免？

總係覺得，自己好似永遠都搵唔啱timing打俾佢咁

咁不如，等佢真係想搵我時先再算...咁就保證唔會出錯

唔知點解呢，講講下，我突然有種越黎越迷茫的感覺

究竟我應該要點樣處理目前的狀況？以不變應萬變？

可能太習慣以前的主動了，習慣了自己隨時搵佢都OK的狀態

或者宜家都係時候要靜一靜，唔好咁活躍好D

要再俾多D空間人地，等佢可以抖下氣

唔....講講下又有D酸酸地，哈哈