好無聊, 日日都過得好無聊
無工番, 無學番, 日日係屋企都唔知做咩
屋企人放假, 自己都係選擇係屋企發牛豆, 唔想出街
但係其實我真係好想出街睇戲 好想去睇paper town, 好想去睇hitman
跟住咁岩一個識左段時間既同事竟然約我去睇戲 但孤男寡女咁去睇戲唔好意思 所以又推鬼左
頂 乜呢家啲人咁激進咁熱情嫁咩?
本來我以為我自己鍾意啲熱情啲既男仔 點知原來呢type唔岩我
然後再發現 原來人地對住自己咁好服侍 咁gentleman 我又覺得有啲反感
我果然好慢熱.............
跟住, 最近俾屋企人同同事話我唔似女人 嗚 咁既說話都講得出
屋企人話我竟然無啦啦著裙 無啦啦咁女人 嚇死佢地
同事話我竟然唔鍾意出街 竟然會打機 竟然會咁懶 真係唔似係女人 同我個樣有出入
不過我都覺得自己唔似女人 唔識打扮 唔鍾意shopping 唔擅於交際
唉 我果然要做死一世老姑婆 咁我唯有真係要好好自愛
究竟點解今個暑假同我所想像中既咁唔同????????
又失戀, 又失業, 死廢青, 無鬼用
想快啲開學完左個假期, 但又唔想啲壓力又一籮籮咁黎, 唉 做人真係好煩
究竟點解中學既我咁鍾意放假? 日日留係屋企都覺得無問題???
唉, 最近又夜訓左, 又喪生瘡, 果然唔適合夜訓
其實都已經無理由再去夜訓啦, 究竟仲咁夜訓做咩?
不過其實早醒真係好難好辛苦.............
好喇. 又呻完喇. 有qooza真係好.
快啲冬天喇, 好憎夏天啊, 夏天好無安全感, 好討厭肉騰騰同人身體接觸x_x
|
