今日晨咁早就起身啦,,差D唔記得起身,,太低能較錯鬧鐘,之後8點比個女嘈醒,整整整到8點9出門口落樓下搵奶奶,跟住就去買麵包,花,到9點8到去到阿婆屋企樓下,原來佢地去左食早餐,,我地就慢慢等,之後E丈黎車我地就去天盛接埋大E就返流浮山,,到左就慢慢行上拜阿公果度,10點幾整定D野,點知細E果D仲未到,,結果熱到11點先開始拜神,好熱好熱,,好采都唔係拜左好耐,到12點前就走得,再返舊屋又拜神,執屋=.=,琳琳就返到牛磡𦅜好好其,,就同佢影相參觀下,影下相,到1點就返去阿婆屋企,好累好累,2點食野,,食完就去惠康買野,順便幫阿婆買兩包米,推黎推去,到3點先返到屋企,,即時沖涼,冇野做就打日記了

今日係屋企冇乜野做,就約左rainbow出街行下.4點到就到左屯門,一去到就周圍行下,行下吉之島,等到琳琳,himhim訓覺我就同rainbow去華都食撈濛,,食完就行下吉之島玩具部同嬰兒部.我地買左大畫板and小玩具比佢地兩位小朋友,諗住比錢果陣佢地訓醒咯,,=口=

行完之後去左書局行下,發現有D圖書幾好又唔貴就決定買比琳琳喇,停留係書局半個鐘

之後望下時間都差唔多7點就行去搭西鐵囉,返到屋企同琳琳沖涼,食飯,睇下電視到11點琳琳訓先,我就打NDS傾下電話,傾完好肚餓,出左廳發現老公食緊杯麵,拿拿聲自己整返個,一路食一路睇獎門人,,之後訓覺

岩岩琳琳訓左覺,,所以有時間up下相,,由新年以黎都係忙住湊琳琳,最慘連電腦有時都唔得閒用,返下教會同下朋友去街,探下爸爸媽咪就係我既日子,雖然好平凡,,但係呢d就係我既責任,琳琳一日比一日大,,話咁快就17個月啦,,感謝上天對我既恩賜,而得知6月中就要做子宮腫瘤割除手術.雖然個心好驚,,但係我相信主會為我而安排,,加油吧,,而爸爸身體都冇乜惡化,老公又勤力返工養家,,心入面好安慰,,琳琳自從識行以後都好好動,,學野都快左好多,,有時都好激氣架,但係小朋友總有曳曳既時候吧^^好啦今日落雨所以係屋企渡過,冇乜野要打嚕,,睇返琳琳冇放過上黎既相啦^^

唉,,而家d天氣時涷時熱真係好難頂,,好采感謝主琳琳同我冇因為咁而唔舒服,而新年都係普通咁去拜年,過年真係好鬼悶><不過都連續出左5日街,都算開心,而初3就去左大棠<<阿光>>屋企拜年,同家慧,rainbow,文軒,阿娥佢地玩下遊戲,打下will,,呢日終於可以輕鬆下,可惜琳琳呢日都幾扭計,,救命,今年琳琳既利是錢都不過不失,xdd

而情人節都係係屋企渡過,因為唔想破費,爸爸身體都託主蒙恩,面色不錯,,要加油呀,

係2月25,11:59pm)琳琳終於識行,開心到我不得了,琳琳你要加油呀,,媽咪支持你=3=

而2月26號就去左博愛照超聲波,睇下粒腫瘤仲係咪度,,結果仍然存在,,要等3月12號返屯門醫院再睇下需唔需要做手術><今日係老公既生日,但係唔可以同佢慶祝,,因為老公有個舅父離開左世界><希望佢可以走到主既身邊

呼))打住咁多先,,雖然好求其,,但係好過唔打啦,,xdd,,湊住琳琳真係好難日日打日記

今日好早起左身啦,(9點)跟住就做家務,,琳琳病了要食藥,但係佢又好曳唔肯食藥,攪到我心情欠佳,到11點腥信息比老公,睇下今日生日有冇驚喜啦=.=點知,得個吉,心情低落...之後係屋企呆坐,打電話同家慧and rainbow訴苦,同家慧傾傾下仲喊左出黎/.\之後決定約佢地出屯門行街,周圍行下心情都開始好返小小,到6點好期待老公打黎.點知冇收到佢電話=口=果陣好想打人,,跟住7點奶奶打比我話老爺話今日出街食飯,之後就趕返天耀,去食飯老公都冇落黎./.\之後返到屋企一直冇采佢,我地成日都冇講野,,(打呢篇日記果陣都過左幾日,,諗返老公返工緊要,果陣嬲老公係好傻既行為,)

呢排都係同rainbow,家慧出街多,,^^日子都算過得幾好,,琳琳而家好鍾意扶住bb玩具車周圍行,,有時坐上單車上面要我推,15號rainbow,ken,文軒,peach一齊去到大埔醫院探爸爸,為爸爸祈禱.唱詩歌,感覺唔錯,,希望神幫助爸爸啦,^^我相信總有一 天會成功,16號果日同老公出左屯門行街,食野,同琳琳去玩具反斗城玩,係吉之島買左架單車比琳琳做聖誕禮物.一家三口好開心,,

睇相))琳琳既可愛相吧

呢排都冇打日記呀=.=第1)因為冇乜時間,第2)冇咩特別既事,第3)太懶了,,哈哈哈哈哈

呢排都係返下大埔探爸爸,返下教會,小組,行下街咁咋,琳琳仍然未識行,雖然口話唔緊張,其實都幾期待佢行架,希望主賜佢力量,信心啦,有時就睇下聖經,生活都係幾悶下,但係突然呢排有個衝動,希望可以早日儲錢自己開鋪頭,一黎可以自己湊樂琳,二黎有d野做下唔洗咁悶,希望早日可以達成啦,,^^我會加油的,,,

今日3點出左元朗搵RAINBOW之後上左佢屋企坐,等佢換衫,我就同HIMHIM,琳琳玩,之後抱左HIMHIM落樓下搵雯雯拎野.之後返上去,到4點就落樓下公園玩,家慧終於都到啦,我同琳琳玩左陣就餵粥,食左好小=.=之後就周圍行街,去左大雲吞食野,到7點幾去左卓悅買洗面膏,買完就返屋企啦,去到屋企樓下買D零食就返屋企,返到去食飯,沖涼,睇電視,幫琳琳換片餵奶就訓啦

今日8點幾就起左身啦,之後做家務到10點幾就去良景拎張BB𨰻,之後趕返天水圍同奶奶佢地食野,食到12點幾就去搭輕鐵,撞到二家姐佢地出街,到元朗就JOIN埋表嫂去搭小巴返大埔,不停比人催到大埔未=.=返到富善1點9,阿媽佢地上左一架旅遊巴出去寶福山先,我地就到2點3同阿婆佢地上車出發,2點10到就到靈堂,眼淚就忍唔住啦,因為屋企人全部都喊,最傷感係真係唔想公公走../.\我就扶住媽咪一齊喊,情緒冷靜左就去幫手打點.時間過得好慢好慢,我就湊SUNNY,表嫂果D就燒野,到6點就坐旅遊巴去食飯,食到7點幾返上靈堂,到9點老公黎左上香,陪我到10點就走啦,因為太累啦,放工就趕上去,我就自己坐係度,到11點我就著上考服之後就跪地下,不停跪不停跪,到3點幾就到儀式奈何橋,一路掉錢一路行,又再喊了=.=行左成個鐘就跪地到5點幾就開始執野等到6點就封棺出發去大埔土葬,到6點幾就到達,之後就慢慢等棺材落士,到8點幾完事就返大埔攪埋手尾去食解穢酒,到9點幾我就同表嫂走先,去阿嬸屋企拎野,之後上表嫂屋企拎埋波波池就去搭小巴返元朗,之後我就搭西鐵返屋企,返到屋企沖埋涼,就陪奶奶落街食野.食食下已經好眼訓,就快係街訓著仲要有幻聽,到3點幾一返到屋企訓落床即時訓著,訓訓訓訓到8點比老公叫醒落街打邊爐,食食下又好眼訓,食完返屋企到10點又訓著了

ps:經過公公過身我就經一事長一智,最緊要係珍惜眼前人,,每個人生命都好短暫,要好好珍惜.呢日其實好多唔開心既野,因為宗教問題,唔想再打出黎=.=

彤彤生日快樂,快高長大,乖d喇

冇時間打日記,咩都唔記得呢日只記得彤彤生日,我地出左屯門,係吉之島美食廣場食蛋糕,壽c果d,之後周圍行,8點返屋企...