今日悶悶地搵rainbow出街,2點幾出左元朗係rainbow樓下公園等,之後餵琳琳佢地食粥,再去公園玩,佢地玩得好開心呀,HIMHIM仲同琳琳打交添/.\之後周圍行.同埋去大雲吞食野,,跟住行千色,買左套煮飯仔比琳琳,冇耐RAINBOW表妹雯雯黎左,傾左陣我地去為食街買野比奶奶食,我就再買盒食送就返屋企咯,,

今日成1點返大埔,之後因為媽咪要去阿婆屋企,我又怕琳琳驚就上左叔叔屋企,上左去同阿聲玩,阿嬸同沛沛出左街,琳琳不停同阿聲玩,我就好悶嚕,係度坐=.=到4點2阿媽就叫我落樓去醫院睇爸爸,同媽咪一齊行上醫院,4點30就上到去,爸爸今日精神唔錯,係咁望住琳琳玩,之後欣欣都上埋黎,我地同爸爸傾計到6點半,爸爸就入返病房啦,之後我就同媽咪行去富善搭k巴,到8點半返到屋企嚕,食完飯同琳琳沖涼,之後飲奶就訓啦,我就睇碟<<換換愛>>到12點我都訓咯

呢日呢呢放假,1點半去左樓下join奶奶就搭輕鐵去頌富,之後行去五十嵐搵位,冇耐大家姐到左,我地就嗌野食,食完琳琳訓左.我地食完接文曉晴放學就上二家姐屋企,琳琳上到去即刻玩玩具,呢日坐到5點就走嚕,之後返天耀買野煲湯,返到屋企整熱d粥比琳琳食,我地就沖涼煲湯,,到8點食飯,琳琳呢日10點就訓左,我就睇碟,老公就玩電腦,到11點幾訓覺......

今日老公冇返工,我就12點幾同表嫂去左北光食野,食完帶埋sunny返大埔,去到大埔火車站,細佬,阿妹接我地,之後搭的士去婆婆屋企,去到氣氛不好,我一見到公公張大相就喊了,之後坐埋一邊湊琳琳,婆婆眼都腫哂=.=唉,坐左4點幾同細佬佢地去買野食就上去睇爸爸,爸爸心情冇乜野,,因為佢明白媽咪多野搞,^^我地上左去冇耐,媽咪都上左黎,睇爸爸到6點9我地就走嚕,,我同細佬,阿儀,同欣欣過左大埔中心,阿儀同細佬去食野,我同欣欣唔肚餓就去左行街,到8點1join埋細佬去太和火車站搭去上水,,佢地陪埋我將架車放上巴士先走,我返到屋企9點半,即刻同琳琳沖涼,餵奶,之後琳琳訓覺,我就沖涼睇碟,到12點就訓嚕...

呢日本身冇乜突別,,晏就同rainbow去北光換返件衫,5點幾上左我屋企坐陣,試衫,樂琳就同himhim係度玩玩具,到7點rainbow走嚕,就係rainbow走果一刻,收到阿妹電話公公走左,即時唔知點比反應,只有喊,不停喊,太突然啦,冇心理準備,,之後同打比rainbow傾,好采傾左陣心情小小好轉,諗心一層,公公多病痛,都73歲了,而且走果陣都冇乜點辛苦,可能對公公黎講係一種解脫吧,立即祈禱,願主保守我們一家,將呢種唔開心既心情慢慢沖淡,重新生活,而公公可以投入你既懷抱,點知琳琳突然同我一齊喊=.=唉,安慰琳琳先,呢一晚,我成晚訓唔著,心情都唔係咁好,諗下以前同公公既日子,諗下公公既樣,,公公呀,你要小心上路,屋企既野唔好好再擔心啦,琳琳呢晚成晚係咁喊,,,悲傷的一天.........

呢日同rainbow行街,其實唔係好記得點嚕,太遲打日記,去左m記餵佢地食粥仔,之後去左味太朗tea一tea,不過d野食失哂水準,之後行街買衫,到6點幾返屋企,rainbow上黎睇下琳琳張木台仔,坐左幾個字走左啦,夜晚發生咩事我都唔記得嚕,,=口=

今日都係11點起身,因為呢排琳琳太夜訓,結果我都要遲起身,琳琳呢日p水都未好轉,煩死了,藥又食哂,結果到3點幾諗住落街睇醫生,點知rainbow打比我話穎妍入左醫院,擔心死了,我話比琳琳知穎妍入左醫院,佢喊呀?難度bb真係識聽?定係佢知穎妍係佢朋友呢?安慰了琳琳就打比dada傾陣,dada,你要加油去照顧穎妍呀,最緊要唔好諗埋一邊,人地點講唔緊要,最緊要問心無愧,盡左本份就ok了.主會為你安排,我地一班姊妹會為你祈禱了,堅強呀))穎妍你要快d好返喔..))傾完覆埋rainbow電話就落街啦,行到一半見到老爺,佢又要抱起琳琳啦,結果一齊帶琳琳睇醫生,睇完醫生,老爺走先我同琳琳行街,行去買雞蛋仔比琳琳食,跟住周圍睇衫,買左件衫同3對襪仔比琳琳,我就買左兩件褸,同一條belt,,行到5點幾返屋企咯,好耐冇買衫啦,,哈哈哈哈,,好痛快,第一次洗錢會咁開心))返到屋企我就開碟比琳琳睇,我就睇碟,到7點幾奶奶返黎煮飯,老公同老爺唔返黎食飯,我地就是但食d野,冇耐老公打黎話想買部psp,問我意見?講真,緊係唔想啦,,慳錢嘛,但係老公又想要=.=所以冇阻止佢,只要夠洗算了,,之後哄琳琳訓覺,10點幾老公返黎,我就沖涼,老公哄完琳琳訓覺我就睇碟打日記了)))

今日訓到11點幾,之後起身做屋企野,之後同老公提意出街行下,,點知老公唔肯[[唔開心呀!!]],跟住老公知道我唔開心,最後都決定同我出街,同琳琳玩下.到兩點奶奶返黎,食完野,,琳琳訓醒換衫飲奶,大家一齊換哂衫到3點9出門口咯,我地搭巴士出葵芳,琳琳係廾不停嗌,又成日撩人玩,幾經辛苦先到新都會,我地行行行,見到好多地方買衫,可惜咩住琳琳有怕悶親老公,結果得過行,之後買撈撈食,仲買左兩套台劇睇,其實都幾悶,毫無目的咁行,不過算啦,難得老公肯同埋個囡一齊行街,行完葵芳就搭車去沙田,之後行西田,嘩,西田d奶粉貴到=.=食水真係深,之後行荷花同玩具反斗城,琳琳見到玩具好開心,可惜琳琳太多玩具啦,唔買嚕,行完都好累,本身諗住去史路比公園影相,不過要返屋企幫琳琳沖涼,算了,下次吧,琳琳今日成日流p水,唉,一定又冷親啦,,心痛死,搭車返到屋企都9點,好累呀今日,返到去嗌外賣食同幫琳琳沖涼,10點餵琳琳食藥同飲奶就曖佢訓覺,佢本身1點幾訓著了,但係老爺返黎開門聲嘈醒佢,仲要隔硬抱醒琳琳,悲哀喔)))到1點終於都訓咯,結果我都訓覺了

↑玩具反斗城影的

8-11-07

琳琳病左嚕,一早起身不停咳同流p水,,咁岩奶奶今日下午放假,我地同大家姐去新北光食野,食完我去健康院拎藥,奶奶就上大家姐屋企,我去完拎藥就上埋大家姐屋企.之後坐左陣,琳琳成日唔洗訓,,勁,,掛住玩,到5點到就走啦帶琳琳去睇醫生,去睇陳志偉,只係少少傷風,返到屋企餵完佢食麵包就食藥咯,d藥食完一陣佢好眼訓咯,我就沖涼,到7點奶奶煮飯,琳琳訓到我地食飯先起身,食完飯玩左陣,沖涼到10點飲奶食藥再訓.成晚我同奶奶好好訓,,因為琳琳冇半夜起身,,訓到天光,,^^

9-11-07

今日晏就4點幾悶到搵家慧同rainbow出街,出到元朗周圍行,去千色買手指套幫琳琳刷牙,跟住周圍睇bb衫,行到7點就係大橋街市果邊買左件衫仔比琳琳,之後就買兩盒 食送 返屋企,搭輕鐵返到天耀,join埋奶奶返屋企,返到屋企就煮飯,到8點幾琳琳訓左陣,我就洗碗睇電視,到10點餵琳琳飲奶食藥.食完哄佢訓覺,哄極都唔訓=.=救命,奶奶哄又唔得,老公哄又唔得,結果12點幾老公哄到炆就比返我,我一抱佢就訓啦,,暈呀,,之後抱佢落網床,到3點幾佢又起身,6點又起身,我成晚不停起身訓低起身訓低,,慘慘慘)))))

今日10點幾起身之後做家務,1點幾奶奶返黎,我就煲粥,食飯.之後樂琳醒左就幫佢洗白白,到2點9就出門口去健康院,去到健康院餵琳琳食粥,之後磅重,,琳琳而家得18磅半(8.38),磅完重餵琳琳再食粥同交手冊,食完粥就見姑娘,姑娘話佢好叻,學野都幾快,但係仲未識用指尖拎野,過多兩個月再跟進,見完姑娘就等打針,一到打針琳琳就喊到不停,我既寶貝喔,,可憐咯))打完安慰左佢坐左陣,去約期同拎藥就走,,琳琳訓左,我就去左新北光行街,買左個布積具玩具同絲襪比琳琳,行行行,,自己買唔到衫.跟住買雞蛋仔琳琳食,我就食撈撈行完就返屋企啦,返到屋企6點幾,陪琳琳玩,到8點奶奶返黎,之後到老公,8點幾食飯咯,我就好眼訓啦,因為琳琳琴晚要我抱我冇覺好訓,琳琳又周圍整野,我好炆鬧左佢幾句,唉))唔夠訓個人好燥,對唔住呀,,媽咪唔係想成日鬧你,,好采到9點幾琳琳飲左奶就訓咯,我就睇埋通天幹探就即刻訓啦,,ｚzｚｚｚｚ