今日風和日麗,,真係去旅行的好日子~
1點左右去到九龍灣地鐵站同虫、揚、thomas佢地會合
等埋Camile同阿余之後一齊去旺角
本來今日一共有21個人去的,,不過阿寶一行3人冇來
so得返18個.....懷疑係咪只係一班人約出來去BBQ....
等齊人之後搭小巴去小欖,,o係屯門公路附近
去到那度即刻開始BBQ,,我的摯愛雞排,,超好味~ @@
燒完野食揚佢地打麻將,,麻將之下所有人的真性情都暴露出來了....
阿sir以正義之師相稱我地呢d冇去打/唔識打的一批
不過我地批人之中有d仍然同阿sir玩d同啤牌有關的遊戲,,我地就鋤D
玩左一陣之後同阿sir出海灘打排球&踢波&玩遊戲
而打麻將的仍然繼續打麻將....
有d討厭打排球,,又難打
而且打兩下就唔小心整瘀左隻手,,點解奧運d人咁大力打都冇事....??
之後改踢沙灘足球,,果然係比平地踢波浪費多好多體力
而且仲係o係烈日當空之下踢
so踢左一陣大家就要抖下
踢完波玩左一陣數字球,,之後玩馬騮搶球
我算係一隻反應唔錯的馬騮呢~
玩完返返BBQ場地整理一下d沙
Poman隻鞋倒左勁多沙出黎 = ="
搞掂之後鋤左一陣D
之後玩MC Killer,,之前聽得多
但真係玩就未試過,,原來呢個係一個好好玩的game
以我雙魚的第6感同推理,,多次估中左邊個係killer
不過有幾次比人僅僅滅左口,,一係就冇人和議我
最可惜的就係我未做個Killer同Nurse
相信以我玩心理戰的技術,,應該可以成為一個出色的Killer
我全完地愛上呢個心理遊戲 =]
呢個game一玩就玩到夜晚10點9....
奇怪點解咁夜我都唔覺肚餓,,太投入所致??
搭返小巴出旺角,,11點幾先到
阿sir同半數人都返屋企(佢地唔駛食晚飯??)
我就同揚、虫、Keith、Joyce、娟、Camile、阿余一行8人去食飯
去左沙嗲王食,,咁夜居然都唔少人....
8個人食左$400連加一,,還可以吧
食完同虫、Keith、Joyce、娟、余搭MTR
阿余住九龍灣麗晶花園,,但九龍灣地鐵站離那度幾遠下
而且沿途極之靜(日頭都靜,,夜晚唔駛講)
so本來諗住同虫、Keith佢地送埋佢返屋企先既
正在討論點安排的時候余收到電話,,話佢媽會來地鐵站接佢
我地先放心,,之後各自落車返屋企
返到來已經就來12點半,,沖埋涼頭未乾
so順便睇埋男籃分組賽,,中國 VS 安哥拉
中國最後贏十幾分,,算贏得輕鬆
夜晚1點幾先瞓 |
