係時候為銀包療下傷了

今朝同虫、Camille去APM唱K

今次只得3個人,,唔駛爭咪~

不過好似唱得好少歌佢就埋單

之後Camille屈佢機,,臨cut歌時選情歌王

我地唱完一次之後臨完按repeat

就咁重覆左兩次,,要人叫左兩次先肯走

即係情歌王我地夾埋唱左4次.....

唱完K跟虫返佢間教會:郇山堂

都係分享下,,玩下遊戲,,睇完聖經

完左之後同人鋤D&打康樂棋

好耐冇打康樂棋la,,功力稍減....

總結今日返教會感覺良好

同上次跟揚返梁發堂差唔多

不過呢度多d野玩

成6點先走,,返到屋先記得今晚預早慶祝母親節

成班親戚都上左來

即刻送在教會寫的心意卡比阿媽

but由於佢打緊麻將,,一句多謝之後就放落擺$的櫃桶度 = ="

7點半落街食飯先提佢認真睇下

佢話長命百歲都要健康至得ga wo

如果係瞓床瞓到100歲咁就唔駛la

(我心諗大吉利是 = = 阿媽真係識講笑.....)

p.s 明天快d清左僅有的兩樣功課先~

今年可能是我有生之年

最後一個在MMWC的水運會了

若然F.6返唔到來就冇lu....

今朝同阿爸去觀塘道食野之後就去泳池

返到去吳津添先話著新款PE衫唔可以做社代表在開幕禮出場

唯有佳返o係看台睇

水運會開始左之後在看台睇左一陣比賽

之後同鍾榮、Sam、周健誠佢地落更衣室整理一下

搞掂之後在那度坐左都有半個鐘

之後再上返看台睇

比賽一項一項進行,,人都一個一個被召集落去

我個50米捷泳就比較遲,,so最後先落去

今年50米捷泳好多人參加,,分左3 team游

最後以時間定三甲

第一team d人勁d,,有陳嘉偉同黃錦豐

我那team我好多人都識:鍾榮、周健誠、馮宇聰等

一出先發覺條褲鬆鬆地,,即刻用左手扯一扯

右手繼續游,,那度耽誤左成一、兩秒

之後一路追,,去左終點先知慢鍾榮唔夠一秒,,抱恨至極....

點解可以咁大意....

抖左一陣之後又游4x50米社際接力

個F.2游第一棒、黃錦豐第二棒、我第三棒、最後馮宇聰

我都盡左力游ga la,,可惜最後只得第三

剛上水冇耐又要游4x50米班際

Winnie第一棒、Steve第二棒、Sam第三棒、我最後

Winnie都唔算慢過其他班好多

但人地第2、3棒就快,,我最後用盡力追就拿第2

成績都算唔錯la~

事後阿虫話佢帶住4E嗌「克勤加油!」= ="

聽講馮sir都有拿住個大聲公嗌4E加油,,唔知係咪真ga呢~

上返水之後勁快又話4x50米學會師生接力開始

羽毛球隊同足球隊都有出

阿爸幫家長教師隊游第一棒,,麥sir都有游

我就幫田徑隊游,,都係最後一棒

黎sir幫我地手游第2棒,,陳家朗第一棒

黃錦豐第三棒

一開始好似家長教師隊同田徑隊領先

之後黎sir拋離左對手唔少

但豐哥可能攰,,慢左少少,,比人追返近

最後我拚埋過去,,拿冠軍

家長教師隊亞軍,,足球隊季軍

其實我最後10幾米那時道氣已經用得七七八八

隻腳都開始頂唔順,,動作都亂左,,好彩都頂到....

總結我拿左一金一銀一銅,,全部都係接力拿的

我估唔到我可以游晒4個50米=200米

本來我第一個50米真係條氣未上

但之後愈游愈起勁,,游班際那時我覺得我係發揮得最好的

水運會完左之後田徑隊接受校園電視台訪問

我地4個每人答一條問題之後就搞掂

散左之後同虫、Sam、阿爸一起去開源道間新境界餐廳食

食完就各自返屋企

真係好希望兩年之後仲可以代表Parker出戰水運會....

p.s 明朝同虫佢地唱K,,之後跟佢去教會

這感覺回來了

放左學同Steve、Sam、Crystal練水

Winnie在場邊睇

游左兩個50米加浮水浮左好耐

落水鬆鬆之後果然冇咁攰~

明天水運會希望唔好因為游太多而抽筋....

5項夾埋成250米:

50米捷泳

親子接力

學會接力(田徑隊)

社際接力

班際接力

今年捷泳唔駛同陳家朗游,,佢冇join

希望拿到牌~

+oil!!!

今朝起身已經冇流鼻水

但只係冇流出來,,唔代表冇....

PE:體能測驗

     sit up 38下

     press up(掌上壓)60下

     sit up好似退步左

     但掌上壓就有進步

     耐力跑3K,,一開頭都係比Sam迫住

     同佢扯左大概2K佢就比我甩左

     之後那1K就跑得比較輕鬆

     最後跑出11分的成績

     比上年慢15秒,,可能因為後段冇人迫

     事後Sam話佢那時係條氣頂住,,跑唔到

     我都試過呢個情況,,仲慘過出乳酸....

     之後自由活動,,同Adam、Poman踢波

     Adam又一次唔小心射中校長室門口

     其實那球係入龍門的,,不過個網本身穿左...

     比鄺sir教訓左兩句之後轉玩頂頭鎚

     玩玩下打籃球那邊有事發生

     見到阿揚坐左地下抱著頭

     原來係打籃球那時比Sam大大力傳波比佢「子弟」

     「貴子弟」受創果種痛楚絕對稱得上男人最痛....

     返入更衣室那時個個都話要對Sam拖以宮刑

     以奇人之道還治奇人之身

lunch落大檔食,,冇得飲凍飲真係痛苦

班主任堂:派成績表,,名次比上次高十數名

             但平均分差唔多,,考試要再加把勁~

             其餘時間自由活動,,同Sam捉左盤棋

             今次我殺得超精彩,,有中炮

             中炮同對方將軍之間隔一士一象全

             部都係由我的左面起的

             而我就用兩隻車藉捉佢馬炮而歸向左邊

             再出奇不意沉底將軍,,Sam以為用車攝我就逼住走

             但佢睇漏一步,,我再沉埋另外一隻車

             底線的同線車我都係第一次用,,威力果然勢如破竹

             如此一來佢隻車又唔走得

             食我第一隻車又會比我後面隻車食返兼將軍,,即係已經無棋

             我諗這都算是繼「雙車錯」之後最精彩的雙車殺局了

放左學玩左盤Blokus,,比Yamei、Camel圍攻

Thomas都算半攻我ga la

苦戰一番之後成功封住兩家

之後再同Thomas在我的腹地和平發展

最終擺晒所有,,Thomas第2

這是我第2次擺晒所有~

p.s 明天放左學之後去練水(班際)

今日依然係大傷風....

MATH:極限呢樣野真係有少少抽象....

BK:居然有校長+梁sir+Miss Kwok+Miss Yu來睇堂

中文:寫返中文SBA份閱讀報告

       兩堂淨係o係度抄野

lunch同博文落大排檔找達梽佢地一起食

RDG:BK有活動,,係F.1至F.6的分享

        又有drama睇又有演奏、演唱

        校長都有唱歌 @@

        但最好笑都係F.6,,兩個主角都係反串

        仲改埋風生水起首歌來配合,,真係超正

        最精警都係「好男人當然要識搞gag」

ENG:唔知點解上上下堂條氣好唔順

        係咁咳,,想停都好難

        咳到我都有d唔好意思....

        好彩咳左唔係好耐之後就冇事

        可能又係鼻敏感引致的傷風併發症

反思堂Quiz Phy,,d問題頗難....

之後玩左次Blokus,,對手係達梽、Sam、國

同Sam打成平手贏左

其實我快d擺那個位的話應該可以擺晒....

6點幾有人送個新電視來,,係新牌子「TEAC」

37吋比以前那個真係幾唔同,,仲有高清~

p.s 明天體能測驗

      希望到時傷風已經退左