過去一個星期都比較忙

所以都幾耐冇打過日記

今日返到學校收到消息話教員B室已經搬左上1樓

搬左去110室,,而本身o係109室的4B班就搬左上404室

聽講遲d連教員A室都搬埋上來....

即係話依家教員室就在我地班出去直行轉左,,方便快捷 = ="

以後開個locker都要小心言行舉止lu

那d平時成日打左鐘仲去開locker的兄弟們日後要醒定d la~

話時話,,好彩學期尾先搬啫.....

ACCT:居然Quiz返Bank Rec.

          一路做個頭一路痛,,結果不用多說了吧

          下堂派Quiz肯定慘叫聲連天.....

lunch時間做中文小組討論,,講完仲剩6mins  = =

都係選錯立場所累

p.s 考試一日比一日近,,心情也一日比一日更莫名奇妙....

今日放左學同博文一齊執個圖書櫃

要先將d人的教科書同圖書分開

再逐本逐本書點,,點好之後再整齊地擺返入櫃

點好書之後執埋櫃下面類似垃圾崗的櫃

先在入面找到3件舊校褸,,係舊那件....

最離奇的係找到一袋石頭....

最意想不到的係連數學科最佳進步獎張獎狀都有

係梁志邦同學的 = ="

拿比馮sir睇佢會有咩反應呢....

之後仲找到暑期作業,,中、英文都有

個櫃真係咩都有....

p.s 今日無聊落去體育科壁報板睇下

      點知發現我原來拿50米捷泳冠軍

      我游41.99秒,,快鍾榮0.3秒

      即係話我有2金1銀1銅,,開心^^

由今日開始一連3日下午2時28分全國人民默哀3分鐘

聽說這次地震是自唐山大地震後威力最強的天災

那些幸免於難的災民失去的不只是房屋、財物

他們有些也失去了親人,,尤其是那些失去分母的小朋友

實在非常可憐....

-----------------------------------------------------------------------

PE:游25米計時,,任何泳式

     我用捷泳游,,應該係全班最快....

     發覺如果用蛙鞋游捷泳會快好多

     有一種飛魚的感覺,,如果水運會有用50米捷泳肯定拿金 = ="

放左學開班會,,傾左8月班會舉辦宿營的事

地點已鎖定左4個同時間都鎖定左8月的兩個禮拜其中連續3日

今日放左學之後返到屋企

先知今日原來要去盧冠廷演唱會

其實我唔想去ga

一日都係黃姑娘比左3張飛阿爸 = =

搞到阿爸一定要我去,,話費事浪費左張飛

今次真係多得黃姑唔少.....

搭車去到紅館附近先食飯

8點入場,,一開場有林子祥做嘉賓

其實我覺得林子祥真係唱得唔錯,,同盧某人真係差好遠....

成場演唱會我都冇咩人係識的

但好意外居然有側田同農夫做嘉賓

但農夫只係rap左一段關於環保的歌

側田都只係唱左一首盧冠廷的歌

總結成場演唱會,,真係令我大開眼界

我諗能夠將歌唱到咁的世界上真係冇咩幾個.....

而且佢成場演唱會要嗌的歌佔左一半

真係替佢把聲擔心.....

11點幾先走,,返到屋企12點幾,,1點瞓覺....

由後面角位調左去第2行第4個

如果可以再前d會更好....

隔離係鍾美欣,,前面達梽

後面阿國,,右邊Camily

下午放左學去練跑,,黃姑去左外國跑比賽

我地今日係自己練的

有幾個跑5K

我同陳家朗跑6個300米

愈跑愈腳軟

開頭都keep到55秒

但最後兩個就唔得,,仲出埋1min

p.s 明天放學要統測....