今朝見到鍾榮,,同佢一齊返學校

8點9左右返到去,,見到都唔少人

門口見到8個prefect同老梁....嚇死

好彩冇比人捉頭髮過長

上去4E淨見到今年的4E班

so知道要返返今年自己個課室

上左4樓找到5E班房,,5D同Art Room係鄰居

見返所有人,,4E的原班人馬

新的一班5E

阿sir不久之後上左來,,著裇衫加眼鏡.....

派左d野之後入hall

開學禮之中校長同我地d中五生講

話上年的師兄師姐成績頗好

今年到我地接棒,,要keep住wo

我諗,,上年d師兄師姐咁勁

真係驚會跌棒....

開學禮完左之後到陳sir報告

佢都係咁風趣.....

佢講完之後我地就返自己課室

途中欣賞一下個新籃球場&羽毛球場&排球場

真係幾靚,,只係唔知可唔可以見多佢地幾年....

Break之後係班主任堂

職位方面好快就搞掂,,絕大多數原班人馬上陣

班會都唔例外

昇都係做返佢的環保大使,,倒多一年垃圾 XDD

我就連任班會副主席,,圖書館助理員就卸比Mark la~

馮sir講完班務就講下呢一年我地的前景如何

一個cycle有10個Quiz,,更甚於上年.....

而且衝書速度倍增

會考最早的一科3月幾開始考

study leave都係3月開始

由那時開始就正式踏入會考的戰場

為期兩個幾月的戰爭將會開始

講完之後討論班衫事宜

12點半放學,,衝去社工室

之後田徑隊分兩批飛的去九龍灣展貿

食自助餐兼田徑隊頒獎

那度d野都幾好食,,尤其係甜品~

食到好飽....

食飽就開始頒獎,,我拿左優秀隊員獎

食到3點左右,,搭返專車返九龍灣各自散

返到來做埋個Mother Teresa的Book Report

本來唔肯定駛唔駛做

問左雪佢話要做,,咁先做

由於係Print Non-Friction

做都做得快d,,半個鐘左右做完

明天,,備戰開始!!

今朝一早5點幾起身

食完早餐之後就同阿爸搭MTR去九龍塘

去到剩係見到黃姑,,其他人全部未到

全部遲到.....

好彩佢地到架車都仲未來

搭專車去到大網仔

分配工作,,我地一班人被分為3 teams

我同阿爸o係起點負責行李寄存

其他人就一批去左turning point記號碼

(仲記得上年係我負責turning)

一批去左離起點1K左右的分岔路,,指引方向

我地幫d人寫低號碼布個number

比佢地自己掛o係個袋度,,之後比我地寄存

呢個階段還算可以,,係熱少少啫

到d人起跑左,,我地稍微輕鬆少少

比我發現到一隻半隻手掌咁大的蜘蛛....

之後我地就根據d number排返好d次序

其實真係唔容易,,成百幾2百個袋,,地方又少

到第一跑手返來,,我地先排得75%左右

到愈來愈多人跑完返來,,呢個先係最辛苦的時間

d人係咁嗌自己個number,,我地就係咁搵

本來個亭已經好焗,,多左咁多人來簡直焗上加焗....

忙左半個鐘左右終於讓大部份人拿返自己d行李

之後陳家朗佢地都返返來,,不久之後就走lu

黃姑話$100人工o係田徑隊會費度扣左先比餘數我地....

同阿爸搭巴士去西貢食車仔麵

之後搭返車返屋企

-------------------------------------------------------------

明天返學lu,,心情好平常

冇咩以往開學前的感覺

中五生活想必是比中四更充實的吧

p.s 仲未做完功課的準5E同學仔要加把勁la~

今朝9點去寶琳補習

補完o係附近食早餐

之後同虫去旺角搞班衫d野

去到旺角找左一輪都找唔到信和中心

都係要打比阿向佢問路

之後好快就找到

點知去到佢話9月1日先開

阿虫話佢係由深水埗搬去旺角的

佢又唔問幾時搬同幾時開張.....

算la,,當出來散散步~

之後搭返MTR返KT

返教會同虫打左陣乒乓波,,冇私家板用....

得返我原來功力的7成左右....

但唔知點解直板橫打反而易出左

下次返要帶定我塊Black Devil

今日查經,,由林姑娘帶

去到5點左右完,,同梁二捉左場棋

一開頭棋鼓相當,,之後雙方都採取速戰速決的方法

佢用炮將我軍,,我明知化士會比佢抽棋

so寧願上帥避炮,,雖然比佢車將

但我用一馬一炮聯防,,佢將唔死我

但最後都係比佢將軍抽左我一隻車

但就o係佢抽左車之後,,眼看下一步就可以將死我之際

我借助中炮之力再沉另一隻炮落底將死佢,,悶宮

真係贏得驚險....

6點先返屋企,,今晚叫Pizza返來食~

p.s 明天要好早起身,,諗起都痛苦

      今晚仲要睇異形....

真係唔易做

剛剛睇完尖子攻略

饑謹三寶要兼顧踢波同讀書

真係唔係一件容易的事

我3年級到6年級都係足球校隊前鋒

但又要讀書讀得好,,真係幾吃力

所以好有共鳴

可惜6年級學期中段,,阿爸要我一心讀書

要我退隊,,當時教練o係阿爸面前想留我那時

我都想同阿爸講:我得架,,比我踢埋呢半年la

但我又驚真係兼顧唔到,,升唔到好的中學就慘la

結果我都係沉默不語,,教練見我咁都只好放人

依家回想返,,或者當時阿爸是對的

我依家的足球技術雖然停滯不前

但o係讀書之餘,,空閒時間都可以同朋友踢返兩腳

咁都唔錯ar~

不過那幾年同隊友們練波鬥波的日子真係令人懷念....

這是一個頗特別的故事

希望大家睇完有所啟發~

------------------------------------------------------------------

一個疲憊的漢子走到一個農場門前時，餓得實在走不動了

休息了一會兒，他走進了農場的大門，找到了農場主人

農場主人是一位和善的中年婦人

夫人問他：「您有什麼事兒，先生？」

這漢子吞吞吐吐地說：

「是這樣的，夫人，我已經幾天沒吃飯了，能讓我吃頓飯嗎？」

說著，他窘得臉有些泛紅了，

「不過夫人請放心，我不會白吃的，我有力氣，可以幹活兒，

　如果您有什麼重活兒，我很願意效勞的！」

即漢子說話時，夫人的眼一直盯著他，等他說完後

夫人說：「那正好，先生，主面東牆有一堆柴禾，我正需要把它搬到西牆，

　　　　　如果你願意的話，就請幫忙搬一下，您看，這對我一個女人來說，

　　　　　還真有點兒不好辦，對了，等搬完後，飯也就做好了」

漢子爽快地搬柴禾去了，搬完後，他坦然地吃了一頓飽飯，然後他又上路了

等漢子走後，夫人八歲的女兒問：

「媽媽，那堆柴禾您到底要放在哪兒啊？

　前天，你不是讓一個過路的叔叔才從西牆援的東牆嗎？」

中年夫人看著女兒疑惑的臉，笑了笑，沒有說話

其實兩個月來，那堆柴禾已經被搬了十六次，今天是第十七次

施捨別人，有時不是很難

但要讓接受施捨的人不失自尊和體面，需要的就不僅僅是愛心了