ＡＲＴ：終於畫完，ｄ字好似唔係好得．．．．．

ＣＨＥＭ＆ＭＡＴＨ＆ＢＩＯ：冇咩特別

ｌｕｎｃｈ同老志宏、豬ｔｉｍ食

今日特別ｄ，有埋李志毅．．．．． = ="

最衰老志宏，搞到我食唔到雞脾飯！！

ＥＮＧ：好多功課．．．．

ＰＴＨ：韋翔冇返，拿左來傾ＣＨＥＭ　Ｐｒｏｊｅｃｔ∼

中文：Ｍｉｓｓ　Ｗｏｎｇ同我地做ｄ叫ＰＭＩ的野

　　　鄭惠成好勁ａｒ！！！

放左學返來打機∼∼

做左成個禮拜功課，

終於有得打機，好感動∼∼

打到２０：００打日記

ｐ．ｓ　明朝１１：００同３Ｅ班一班人踢波∼

　　　　因為２６／３有３Ｂ搞的中三級足球比賽

　　　　要努力練波！！

今日冇咁凍∼

今朝唔駛集隊∼

上堂ｄ野唔想講

今日我地ＭＡＴＨ　Ｐｒｏｊｅｃｔ組

爆發左內戰．．．．．

安同揚因組內的事而對罵起來

有一次走廊ｄ人都聽到，o係度望下望下

希望Ｐｒｏｊｅｃｔ完左之後佢地唔好再面阻阻∼

放左學同豬ｔｉｍ、老志宏一起走

佢兩個超無聊，偷左我個水樽放o係ｌｏｃｋｅｒ頂

好彩張少傑幫我拿返∼

返來的途中買左支幼毛筆，返屋企畫畫用

返到來沖完涼即刻畫

畫左兩個幾鐘

食完飯再幗左一陣終於畫完

之後就做功課

做到１０：００先做完．．．．慘．．．．

做完食生果，之後打日記

ｐ．ｓ　明天交ＤＴ畫，希望高分ｄ！！

唔好以為我會好似阿虫咁作篇野出來

（記承天寺夜遊）

我自問做唔到，阿虫你係得既∼

詳情請睇佢日記

今朝同阿爸８點幾返到去

等齊人之後就出發去山頂廣場行

童四無稀扶貧計劃步行籌款

今朝超超超大霧

咁大個人都未見過咁大霧．．．．．

影左ｄ相：

http://photo.qooza.hk/album.php?user=hjklvbnm&albumid=50256

見到虫媽同虫爸∼

講左好多虫虫的野∼

又同黎ｓｉｒ個囝囝玩∼

不過可惜得我一個３Ｅ

其他人又唔識

ｓｏ成日都係跟著阿爸

行３Ｋ好快行完（０.５ｈｒｓ）

行完同阿爸在山頂廣場行左一陣

之後落灣仔食左支串燒頂肚

跟著就去將軍澳同阿媽飲茶

等左超耐位先有得入

又等左超耐先有野食

餓到我都唔知點形容．．．．

食完好乖咁陪阿爸阿媽行左成日街

１８：００返鯉魚門同阿爸打乒乓波

我發覺我ｄ長距離旋球勁左ａｒ∼

打完去附近食飯

食完返來沖涼，打日記

ｐ．ｓ　超多功課ａｒ．．．．

今朝食完早餐就返來同阿爸睇碟

睇《死亡筆記》

睇完阿爸話好睇ａｒ∼

等下集上的時候再買來睇∼

睇完佢返一返公司，佢今晚公司約食飯

我就o係屋企打機

打到１８：００幾做左一陣功課

之後落街食飯

食完返來沖涼，之後打日記

ｐ．ｓ　明朝同阿爸一起去步行籌款

今朝好彩冇落雨∼∼

ＰＥ：考斬波∼１０分為滿分

　　　大概在十二碼點斬，斬５球

　　　高過橫眉或中眉都有２分

　　　高唔過眉１分，地波冇分

　　　今日換左ｄ硬ｄ的波，又多氣ｗｏ

　　　搞到斬的時候好痛，有好多人斬唔起．．．．

　　　阿揚好似射波咁砰過去．．．．．

　　　不過又好似幾有效，好似拿８分

　　　昇昇斬的時候差唔多成個人座晒落去

　　　有一次斬完仲成個跌o係度（抵ｇａ，扮晒型咁）

　　　雖然動作唔係好正宗，但都斬得唔錯

　　　三球過眉，一球中眉，一球唔夠高，拿９分

　　　我都斬得幾好ｇａ∼

　　　三球過眉，一球中眉

　　　一球失手食唔柱成個波底，ｓｏ中邊柱

　　　同昇昇一樣都係９分∼

　　　之後鬥波，今次又係我、阿虫同阿揚一隊

　　　敵方就有梽梽、鄧偉杰、昇昇同多一個馮家威

　　　我們７個人打８個人

　　　一開頭就出現唔夠人的情況

　　　比人入左一球

　　　我們諗住反攻的時候遇到ｄ難度：

　　　人地中場有截波唔錯劉達梽、力量強勁的鄧偉杰

　　　後場又有防守幾好的鄭惠成、狀態大勇的馮家威

　　　其實只要過到呢兩道牆就差唔多入梗ｇａ　ｌａ

　　　因為佢地龍門係慢條斯理、掛住睇風景的黃宇安

　　　打下打下我發覺我地的後防實在唔係好掂

　　　梁卓軒碰都唔係好碰個波，就算碰到都o係度黏下黏下

　　　黏唔夠兩下就比人搶左ｌａ

　　　陳家倫同馮鎮國佢地都好ｄ，都算識清個波走

　　　林興秋守龍門都守得唔錯

　　　但始終比人入左一球，２：０

　　　之後我同阿揚阿虫三個開波那時採取快攻戰術

　　　結果戰術湊效，我同阿揚在右路撞牆傳球

　　　成功越過昇昇、梽梽同馮家威佢地

　　　得返馬健輝同黃宇安o係後面，冇難度ｌｕ

　　　由我o係兩人中間僅僅射入，追返２：１

　　　但之後梽梽由左路攻過來的時候竟然冇人逼佢

　　　ｓｏ比佢出到波比鄧偉杰同昇昇佢地

　　　比佢地在亂軍中射入左，３：１　

　　　又有一球林興秋諗住接返住個波

　　　但有一半腳出左大禁區

　　　佢地話罰球ｗｏ

　　　其實個波未出都應該冇時事掛∼

　　　由於我地冇人排人場，比昇昇射入左，４：１

　　　諗住開波的時候阿ｓｉｒ話返去．．．．

　　　唉，今次我地又輸左

　　　不過今次我地唔係輸比風

　　　而係輸後衛．．．．．

　　　我相信如果馮家威同鄭惠成係我們那隊的話

　　　我地唔會大敗，仲有機會贏！！

　　　阿虫踢完之後好似唔係咁開心

　　　不過之後見佢都冇咩事都放心ｄ

ＥＮＧ：成堂做野，易到不可以筆墨形容

　　　　差唔多全部岩晒

中文：講儒家、道家、墨家、法家．．．．

　　　就落堂那時唔知點解個頭好痛（踢完波就係咁）

　　　最尾十分鐘差唔多瞓著

　　　好彩我用手托著個頭扮睇書，佢睇唔到姐∼

ｌｕｎｃｈ同老志宏佢地食野

食完野個頭又冇咁痛ｌａ　ｗｏ∼

週會時間去左ｈａｌｌ睇畫劇

佢地都做得唔錯ａｒ∼

李惠扮九嬸那時超搞笑．．．．．

ＥＰＡ：Ｍｉｓｓ朱話唔駛上

ＭＡＴＨ：ｄ數好難．．．．

放左學練乒乓波

練到１８：００同阿揚、湯鎮傑、Ｔｈｏｍａｓ、

阿ｙｏ、童、Ｅｄｅｎ佢地一班人走

仲食左＄１.５同飲左＄３.５野

返到來沖涼，之後上網

２１：００食睇飯打日記

ｐ．ｓ　今日篇日記打左好長．．．．

　　　　隻手好攰．．．．