被押後了．．．．

那個黃太今朝先來話個足球比賽押後

押後至測驗週之後

理由係Ｂ班同Ｄ班ｄ功留數目過左某數字

其實取消佢地資格咪得囉

佢地想嘈都唔得ｌａ，係佢地自己拿來既

再唔係今日拿拿聲搞掂埋佢

黃太咁做咪盞我地o係復活節假練波∼

仲冇時間讀書（我過我都唔會成日練）

難得今日個地咁濕，Ｂ班ｄ快攻實無用武之地

實比我地係咁攻，可惜可惜∼∼

ＡＲＴ：掃描．．．．．

　　　　要畫對面那個

　　　　我同林敏兒對畫

　　　　Ｍｉｓｓ　Ｌａｉ話要撕開好多份

　　　　再逐張碎片畫

　　　　簡直係無聊、浪費時間

　　　　搞到林敏兒話畫到我好怪．．．．．

ＣＨＥ＆ＭＡＴＨ：冇咩特別

ＢＩＯ：罕有地咁多功課

ｌｕｎｃｈ同阿虫佢地去街市食

食完返來傾孔明借箭個劇，我做周瑜∼

ＥＮＧ：Ｑｕｉｚ有ｄ唔識．．．．

ＰＴＨ：冇咩特別

中文：人間有情個劇ｄ人係咁笑∼

　　　　笑到我地都笑到停唔到∼

放左學同梽、成、昇、杰去佑華練波

個地好濕，勁難踢，有一次差ｄ跌o係度

踢到隻鞋連襪都濕晒．．．．

由於天氣問題，踢左半個鐘到已經好辛苦

唔係咁想郁．．．．

踢到５點３左右返屋企

返到來做功課做到７點半

之後打日記

ｐ．ｓ　我諗我呢個禮拜都唔練波住ｌａ

　　　　要搞掂ｄ功課同溫書先

　　　　等假期得閒先練ｌａ∼

今朝同阿爸去慈雲山同一班親戚會合

之後去拜山，勁熱．．．．．

我拜緊那時阿麻阿爸話：

最緊要身體健康、學業進步∼

我心想：最緊要聽日贏波！！

拜完成班親戚上左來我屋企食野

４點同伯父佢地去將軍澳踩單車同踢波∼

７點食日本野，食完同阿麻一起返屋企

返到來打日記

ｐ．ｓ　明天就係證明我地Ｅ班唔係死讀書的好機會

　　　　就比其他班睇下我地呢班精英中的精英！！！

　　　　加油呀隊友們！！！３Ｅ萬歲！！！！！！！

今日返去之前買左個吞拿魚飽∼

準備今日第三小息食

ＨＩＳＴ：教完測驗範圍

ＰＨＹ＆中文＆ＧＥＯＧ：冇咩特別

ＥＮＧ：講完作文ｄ野後

　　　　佢比我地要幫手搞嘉年華的人走先∼

ｓｏ成個ｌｕｎｃｈ同ＲＤＧ堂就o係排球場度過

由於ｄ人好衰，自己班幫自己人係咁級印

ｓｏ阿虫心情唔係咁好．．．．．

不過我明既，佢都係呢排唔夠瞓先心煩燥既姐∼

ＩＴ：教左一陣教比我地自由活動

　　　玩彈珠台　= ="

上完ＩＴ返來那時見到Ｄ班度門上面掛左個牌

係佢地嘉年華那個招牌：「牌叱珠得意」（朱得怡）

ＭＡＴＨ：冇咩特別

放左學睇社際足球決賽：伯駕對蔡高

一開頭蔡高就強攻，但都無效

仲比伯駕入左一球

之後又比佢地追返兩球

跟著伯駕急左少少

蔡高勁９，個１０號成日插水，拖延時間

又有一個人在伯駕開界外球那時話個波擺得唔岩

佢擺返好再叫伯駕開．．．．真係想打佢

梽梽在度勁罵蔡高，罵得好！！

佢地贏的時候故意拖延時間，又成日踢個波出界

好冇體育精神ｌｏｒ

反觀伯駕，佢地冇咁做

仲完全冇放鬆過，幾好品

最尾比蔡高贏３：２

我地一齊ｈｕｒ佢

死人劉鎮昇仲o係度大聲話蔡高萬歲

我、阿羊同梽梽即刻的佢入班房「打」

之後我同阿虫冇睇ＣＫＫ同理雅各爭季軍

去左學校對面場傳下波

之後昇昇佢地來左，一齊去官遊踢

踢左好少時間又話去返佑華踢

去到那度見到Ｄ班ｄ人

同佢地踢４對４，我地猜到第二隊跟隊

等緊的時候瓊同雯來左

之後到我地踢

發覺佢地真係好勁，如果冇我同昇昇、梽梽合作，

根本完全冇得踢．．．．

憑我一人之力只係過到一個，最多都係兩個

ｓｏ需要多ｄ走位傳波

有一次我逼近禁區起腳，中柱，激死我．．．．

其後發覺佢地左路那個好勁

ｍａｒｋ到佢實一實先冇比佢入到禁區

對付佢的惟一方法就係找人逼佢落底線，等佢射唔到波

另外幾個都好強，最弱那個算係馮宇聰了

依家我們收到最好的消思算係Ｂ班個龍門好弱

有人話只要描準個龍門就多數入

希望呢個唔係遙言ｌａ

７點走，返到油塘阿媽叫我直接去金加利食飯

今日同嘉浩慶祝生日

食完返來打日記

ｐ．ｓ　後天同成班親戚去拜山

　　　　之後可能會踢下波

　　　　我順便可以練下波

　　　　其實我都好多年冇同ｄ親戚踢過波ｌａ

　　　　那日佢地一定對我刮目相看∼

　　　　（小學之前我踢波唔係好勁，

　　　　　直至小三入足球隊先開始識踢）

今朝返到去幫手整攤位ｄ野

（ｗａｗａｗａ嘉年華）

數學：冇咩特別

ＥＰＡ：Ｑｕｉｚ，都ｏｋ∼

中史：之前Ｍｉｓｓ　Ｗｏｎｇ來左

　　　佢可能記錯今日Ｄａｙ４．．．．

　　　中史差唔多講完測驗範圍

中文：又又係聆聽．．．．．

ｌｕｎｃｈ食完野返學校玩嘉年華

Ｃ班個攤位掟野ｏｋ難．．．．

不過有ｄ人又一次掟到喎．．．．

ＥＮＧ：佢一開始話有３個Ｑｕｉｚ．．．．

　　　　嚇鬼死，好彩唔係一次過Ｑｕｉｚ哂

　　　　個Ｑｕｉｚ都ｏｋ　ｌａ∼

ＨＥ：都係整下件３咁ｌａ

放左學同昇昇佢地去練波

練左開波最好的方法同角球戰術

６點同陳家倫、徐坤定走

返到來做功課

７點９打日記

呢個係班際足球比賽的表：

Ａ　ｖｓ　Ｃ──┐

　　　Ｄ　ｖｓ　？───┐

　　　　　　　　　  ？　ｖｓ　？　── 冠軍

　　　Ｂ　ｖｓ　Ｅ───┘

睇到呢個表，其實我地抽籤都抽得唔錯∼

Ａ班同Ｃ班最慘，要贏就要一次過踢三場．．．．．

ｐ．ｓ　聽日可能會睇社際足球決賽

　　　　依家一路打日記一路聽返Ｍｉｓｓ朱

　　　　那日介紹比我地的電台對話：

　　　　一萬蚊電話費那個無知少女

　　　　個主持勁罵　= ="

ＢＫ＆ＰＴＨ：冇咩特別

ＨＩＳＴ：默書，差兩分滿分

ＭＵＳ：教返那個ｍｉｄｉ軟件ｄ野

數學：派返Ｑｕｉｚ，唔係好掂．．．．

中文：又係聆聽

ｌｕｎｃｈ同老志宏佢地去健一食

我第一次去健一．．．．．

野食都ｏｋ，不過就貴少少

ＲＤＧ：睇屎撈人　= ="

ＥＮＧ：最尾那１５分鐘黃太痴左線

　　　　勁講ＷＳ的答案

　　　　我們係咁抄抄抄抄抄抄抄

　　　　抄到手都軟．．．．．

　　　　上少１０堂都唔駛咁呀！！！

放左學傾左一陣班際足球

因為賽制方面由自由龍門轉為死龍門

ｓｏ我們的正選名單都轉左：

我都係打返前鋒

昇昇都係打返中場

梽梽轉左做龍門

鄧偉杰個位轉左阿虫

鄭惠成個位轉左馮家姿

後備係鄧偉杰同鄭惠成

戰術方面亦都確定左，不過不向外公佈∼

傾到咁上下諗住走的時候發覺有社際足球比賽

ｓｏ唔走住，睇埋先

第一場ＣＫＫ對蔡高

ＣＫＫ上次輸左一場比我地伯駕

ｓｏ呢場唔輸得

到下半場仲係０：０，ＣＫＫ開始心急

但愈心急愈死，最尾都係和左

ＣＫＫ出局，蔡高入決賽

第二場伯駕對理雅各

上次理雅各又係輸左一場比蔡高

今場伯駕有李安喬、劉錦聰、馮宇聰等等

全部都係跑得之人

李安喬ｄ頭鎚好勁．．．．．

上半場伯駕領先２：１

下半場理雅各換趙朗廷出來

佢地諗住用頭鎚入波

但都比李安喬等人解圍

最終伯駕贏３：２

理雅各出局，伯駕入決賽

即係決賽係蔡高對伯駕∼

睇完走，返到來沖涼

之後做功課

做到８點上網做埋其他功課

８點４打日記

ｐ．ｓ　我地約定左明天同後日放學後練班際

　　　　如果唔係我星期六唔得

　　　　我都唔想連續兩日練

　　　　真係驚隻腳負荷唔到．．．．

　　　　惟有就著來練ｌａ