今日冇咩好寫．．．．

頭先睇虫的日記先知星期３要返學校

唔該晒虫∼∼

冇返就死得ｌａ

ｐ．ｓ　好想找日打返場羽毛球．．．．

今朝７點幾起就左身

同阿爸去牛頭角

佢朋友約左佢一起去返教會

我們去左烏溪沙青年新村度崇拜

呢次係我第一次正式返出面的教會

好多意想不到的事情．．．．

一去到，有個「天真無邪」的小妹妹

勁親切咁走埋來同我揮手，我Ｏ住嘴咁同佢揮返手

我以為我以前識佢，所以係咁想佢究竟係邊個

可惜一直都諗唔到．．．．

之後再留意下佢，從佢的行為舉止我知道

佢有ｄ輕度弱智．．．．

祟拜開始之後個鄭牧師叫ｄ舊信徒

同ｄ被朋友帶來的人握手，一起做好朋友　= ="

由於今日被人帶來的唔係好多

ｓｏ勁多人湧埋來同我、阿爸握手，話：

「好朋友∼∼好朋友∼∼」又Ｏ左嘴．．．．

崇拜完左之後比我地自由活動

見到兩個大足球場同一個小足球場冇人踢

勁想踢波，可惜冇帶波．．．．．

何況要去沙田拜山

去到沙田寶福山之後一直係咁接那ｄ金元寶

一路聽住ｄ道士係度喃嘸喃嘸喃嘸喃嘸．．．．．

好彩接左唔係好耐就上得去

如果唔係我真係會暈．．．．

拜完山同阿爸阿媽去左舅母屋企

舅母屋企隻狗仔大左好多，上次都只係細細隻

今次仲惡左好多添，我地一入屋就係咁吠∼

吠得好大聲．．．．

之後佢地就打麻將，我就打Ｓａｌｌｙ姐姐的ＮＤＳ∼

打到８點落街食飯，食完返屋企∼

ＭＡＴＨ：Ｑｕｉｚ左，有一題唔知岩唔岩

ＥＰＡ：又Ｑｕｉｚ．．．．

中史：做自己野，ｙｅａｒ∼

中文：冇咩特別

ＰＨＹ：悶左兩堂．．．．．

　　　　瓊話ｐｈｙ室個黑板似ＮＤＳ！？

　　　　兩塊黑板似ＮＤＳ兩個螢幕；

　　　　四張揮春似四個制

　　　　佢想像力超掂∼

ｌｕｎｃｈ去左健一食，又比人屈埋單

最憎計邊個差幾錢未找那ｄ數．．．．．

下次一定唔埋，我講既∼

返到來Ｍｉｓｓ　Ｋｏｏ派數學Ｑｕｉｚ

我第１次定唔知第２次拿滿分∼∼

ＧＥＯＧ：講完書有一大疊野派，傳都傳到手軟

最尾兩堂入ｈａｌｌ復活節崇拜

Ｔｈｏｍａｓ、梽同我o係度鬼故．．．．．

Ｔｈｏｍａｓ那次同黃姑去ｃａｍｐ學到唔少野

佢話七夕（７月７日）唔好貼著牆行

因為那ｄ野都係貼牆行

仲有那日有人o係背後叫仍千祈唔好應

應多一兩次會「咩」ｇａ　ｗｏ

原來黃姑都識好多呢ｄ野，真係睇唔出．．．．

放左學同成、杰、昇一班人去佑華練波

練練下莊浩文同廖俊安來左

虫好似好唔ｇｕｒ佢地，ｓｏ我同佢一起落場同佢地踢

莊浩文以為佢扭波好勁（其次都有返咁上下功力），

但都３次比我封到，搶埋佢個波，之後仲入埋添∼

爽∼∼當堂為Ｅ班出返啖氣

等佢以為Ｅ班係弱隊ａｒ拿∼∼

練完返來那時要拿超多超重的野：

一袋３（校服）、１６本書（連中文、數學）、一個書包

拿到手都差ｄ抽筋．．．．

返到來打機∼∼

９點半打日記

今朝返去對晒ＥＮＧ　ＷＳ的答案

做完一樣假期ＨＷ∼∼

ＢＫ：睇片∼

ＰＴＨ：講完書講左１０分鐘左右的題外話

　　　　講會考、選科、升學那ｄ野．．．．

ＨＩＳＴ：默書，今次一次詔默晒３段．．．．

　　　　　拿３７／４０，拿唔到滿分．．．．

ＭＵＳ：Ｔｈｅ　Ｃｏｒｒｓ唱歌唔錯∼

數學＆中文：冇咩特別

ｌｕｎｃｈ同豬ｔｉｍ佢地去健一食

碟野勁耐先來，佢地食晒先來．．．．

仲要餐肉變火腿，黑椒汁變蒜茸汁

冇野好講，費時同佢嘈，拿拿聲食完走

ＲＤＧ：落左去下面睇野

　　　　派左本ＫＴ重建計劃的野

　　　　講真，唐ｓｉｒ都話幾廿年後ＫＴ被浸沒ｇａ　ｌａ

　　　　ｄ重建工程未完成ｄ工人就游緊水ｌａ

ＥＮＧ：Ｑｕｉｚ完派返作文，拿３０／４０∼

　　　　算係我ＥＮＧ作文比較高的一次∼

放左學同阿羊、阿虫、Ｔｈｏｍａｓ一起走

佢地睇來對我地班某同學同任教我們的老師有好多不滿

我一路聽一路諗佢地講得岩唔岩，結論係唔知．．．．

返到來做功課做到５點半，之後上網同瞓覺

７點１０打日記

ｐ．ｓ　返埋明天∼∼

　　　　假期除了溫書，可能同阿羊、阿虫佢地打羽毛球

　　　　另外都可能同阿虫打乒乓球∼

雖是如此，但春天超焗同潮濕到不行的天氣

卻令我在四季中最討厭春天．．．．

今朝返到去已經熱到要整高３袖

中文：套戲佢地其實做得唔錯，但超左時

　　　明天我地都要努力∼

ＴＳＡ：昇昇比人叫左出去

　　　　比Ｍｉｓｓ　Ｗｕ講到佢冇聲出

　　　　我同阿虫o係後面偷笑∼∼

數學：Ｑｕｉｚ．．．．畫左錯少少野．．．．

中史：教完測驗ｄ野，之後比我地自己做自己野∼

ＧＥＯＧ：冇咩特別

ｌｕｎｃｈ同阿虫佢地去大排檔食

阿羊唔係好舒服，好少講野．．．．．

感覺總是怪怪的．．．．

ＲＤＧ：葉ｓｉｒ比我地自己溫書∼∼

　　　　做左Ｅｘ８Ｃ同那張ＷＳ∼

ＢＩＯ：好似好漫長咁．．．．

放左學返來做功課做到７點幾

之後ｈｅａ左一陣

一陣溫世史Ｄｉｃｔ

好慘．．．．冇帶中文書返來背台詞

惟有明日早會前背

我唔會比「美周郎」周公瑾（周瑜）在諸葛亮面前食螺絲既∼

ｐ．ｓ　明天ＰＥ打手球