今日中史同世史．．．．．

都唔知點解要編兩科背死人的科o係一齊．．．．

頭兩堂係咁背世史

ＨＩＳＴ：一開頭就做兩題中文同一題英文問答題

　　　　　拿左佢十幾分先

　　　　　之後先做ＭＣ，乘機比隻手抖下（戰術∼）

　　　　　跟著再做中文同英文的填充

　　　　　最後先做剩返那題英文問答同中文資料題

　　　　　資料題唔係好明．．．．

　　　　　一直諗那個「死者」係邊個，只係諗到波蘭

　　　　　（因為我記得英、法兩國協助波蘭的時候都係大概o係１９３９年）

　　　　　但唔知點解寫那時諗緊波蘭，但寫就寫左捷克．．．．

　　　　　之後心諗，捷克都好似同那個死者幾吻合喎（又係比德國滅左）

　　　　　ｓｏ最後寫左　左：德國；右：英國；死者：捷克

　　　　　那陣我唔對呢題有太大的期望ｌｏｒ

　　　　　最尾都係差一題先做完，冇左５分，心痛．．．．

中史：吸取ＥＰＡ同世史的經驗，我今次做得更快

　　　隻手根本冇停過，好彩最尾都做得切∼

　　　不過有一題就唔係咁肯定，其餘全部都識∼

　　　中史冇ＥＰＡ同世史炒得咁勁，好彩．．．．

放左學返來終於可以鬆一鬆∼

打機呀！！！！！

睇電視呀！！！！！

瞓覺呀！！！！！

上網呀！！！！！

聽歌呀！！！！！

唉．．．．

仲有兩科．．．．　／.＼

呢幾日網路連按有ｄ問題，ｓｏ上唔到網

測左６科

中文：文言文勁難明．．．．

英文：冇咩特別難的部分∼

數學：全部識∼

　　　有一題坐標之前一直都計唔到－１（垂直）

　　　完卷之前幾分鐘先睇到原來自己４ｘ０計左４

　　　好彩改得切∼

ＧＥＯＧ：超易的一份卷，做得好暢∼

ＣＨＥＭ：唔係好難

ＥＰＡ：個黃火帶剩返一分鐘先提我們

　　　　搞到做唔晒（差２題，冇左５分．．．．）

　　　　Ｔｈｏｍａｓ為左呢件事呻左半日，

　　　　都怪得佢o既，佢冇左１０分．．．．

暫時傷得最重的一科係ＥＰＡ

明天世史同中史希望夠時間做ｌａ∼

其實做得切機會唔係好高　= ="

今日２點左右嘉俊來左我屋企

之後同阿爸、三叔一起落去足球場踢波

踢左一個幾鐘，踢完覺得好無癮ｌｏｒ

開頭都係我地自己射下龍門，

但之後有人撩我地鬥波

仲要係在５人場踢７打７．．．．．

ｓｏ搞到我ｄ技術毫無用武之地

我地那隊ｄ人淨係傳ｄ波比自己識的人

去到人地禁區但起唔到腳又分波比人

ｓｏ我好少真係接人地傳比我的波，

通常都係自己從敵人度截返來，

或者o係人堆中搶到的．．．．

有一次好唔容易接到阿爸傳比我的傳中波

（成隊波得阿爸會傳比我ｊａ）

但比人逼住，傳唔返右腳位射，

ｓｏ特意用右腳扮撻Ｑ射

雖然入左，但入得好樣衰．．．． = ="

今日已經唔係成日拿到波ｇａ　ｌａ

仲要拿親波都係左腳位．．．．

唉，冇野好講∼

踢完返來同嘉俊打機洩氣

（對於以上的情況佢仲嚴重過我）

８點半落街食飯

食完返來打日記

ｐ．ｓ　明天２點去同阿虫打乒乓波

今日溫左ＰＨＹ，仲差一科未溫（ＢＩＯ）

下午同阿爸阿媽飲完茶之後去左裕民坊

買左對Ball boot，側邊ｄ金色好漂亮∼

不過阿媽話對鞋個鞋頭尖，唔好睇

咁人地的Ball boot咁樣設計係比人斬波ｇａ嘛

對鞋拿來踢波唔錯，測驗之後的足球比賽一於著佢來踢∼

８點落樓下食飯，食完返來睇殘酷一叮

個金廁板同晨運阿叔笑死左我．．．．

Ｏ晒嘴ｌｏｒ∼一個個頭成個廁板咁

一個一味o係度晨運

我都識做ｌａ，抵佢拿３０幾秒咁少∼

睇完打日記，依家睇大話妹（大結局）∼

今朝阿爸話今日我要o係屋企溫書．．．．．

ｓｏ成日o係屋企溫書（ＧＥＯＧ）

阿爸o係屋企，想打一陣機都唔得．．．．．

之後２點幾佢出左去斧山跑步

我先可以打返一個鐘機

之後再溫過，溫到６點幾打日記

ｐ．ｓ　仲諗住今日可以出街，唉∼

　　　　呢幾日淨係溫書，功課唔係做左好多，點算＞.＜