辛苦左咁耐...終於過左最艱辛既時期--考試...
考完試真係輕鬆左...好似放低左心頭大石咁樣....我諗應該係好事黎既~~

我本來想打BLOG好耐架啦- -不過日日都冇時間.....

講返琴日,就扯起我把火....
琴日,老豆叫我去剪頭髮,係咁煩....剪遲一兩日唔洗死掛....
之後我死死地氣都去左...不過呢度就係我嬲既開頭....
一入到去,間野好似好多人,其實得四丁友
個老闆又串又成日答嗲,唔知係咪上左年紀既人會咁樣
跟住呀媽見等得耐,就想叫我走啦.
不過個老闆又話"就到你個仔啦,等多陣唔洗死掛!!!!"
我心諗:我地呢班客係有權選擇走唔走lor,我走唔走關你屁事咩
跟住佢整完一個之後就到我
佢細細聲講,但係我聽到哂lor
個老闆話"等多陣唔洗死掛,就到新年係咁架啦!!"
跟住我勁想串佢lor,態度又唔好,我比面我老豆同佢fd咋,如果唔係串死佢
跟住有條友坐我側邊,佢話"佢老母又想入黎叫佢走啦bo"
我勁想打爆佢個頭lor,我呀媽入唔入黎又關你屁事呀?
個老闆勁唔鋸既樣不斷出現我既面前,佢亂咁剪,剪到我個頭乜咁....
跟住剪完諗住比錢啦,費時係度頂住頂住丫嘛...
我拎住50蚊比佢,佢又唔知係咪鬼上身,睇唔到d錢丫定乜,
佢話"我收你50蚊架咋,你比錢啦,唔比錢就想走呀?你真係搞笑"
我拎埋係佢面前都係咁樣,都唔知佢係大陸喱岩岩落黎香港丫定係乜lor

我超唔鋸lor,而家d人係咁冇品架啦,一係爆粗,一係扮盲,
呢d人成日都出現係我地面前,如果見到呢d人真係要小心d,禁住自己把火呀...