呢幾個月，發生左好多好多事，會考完左，今年覺得會考都算易，不過無咩信心可以原校升，想轉去專業學院進修電腦，連續幾次都俾人放飛機，又話陪我去迪士尼，個個都講大話！同我分左手之後，我每晚都眼光光，無覺好訓！我真係好想佢同我和好如初，不過無可能！我好想去旅行，點知佢地又話唔去得，個個都係度呃我！！

好耐無打日記，升左中五先知道真係好忙，係咁個會考題目，好想會考遲D先來！
呢個月發生左好多次，第一次俾以前鍾意的人屈，成班女仔竟然罵我，未試過。今個月，我仲發覺，以前同我成日傾計的一班女仔，原來升左中五後，成班都無當我係朋友，一次次出賣我，５２０就係其中一個例子，我好想大家都做返朋友。我發覺能夠生活每一日先開心，已經係幸褔，我唔想大家要利用大家咁過。中六我可能無機會渡過，但係我仍然唔會放棄！

尋日同佢出左來傾左陣計，先知道原來佢已經有左男朋友，係得我一個唔知。佢等我咁耐，原來就係想話我知，係我去台灣的時候，佢已經有左男朋友！好舒服，今日去左打羽毛球，隻腳亦然好痛，不過真係好舒服，未試過被人打贏我都可以咁開心！我今次可能真係扮堅強啦，個心無以前咁痛，佢肯同我傾左咁耐計，我已經好開心啦！今日的我同尋日的我已經唔同，每日行過的路今日好似變左咁！好多謝玲為我而擔心。

佢究竟有冇理過我的感受？我連生日自己想買的野，都特登唔

買，特登儲起D錢同佢去迪士尼，佢係咁叫我找多個女仔陪佢，我

要俾成千幾入場費，好煩呀！點解次次佢都理過我的感受，佢係

咁，其他人都係咁，係唔係我唔係度，你地先開心？我好辛苦，

點解我自己鍾意人，鍾意得咁失敗！今日中秋算，開講又話：

「人月兩團圓」，我根本就無可能有團圓，佢連結束的機會都唔

俾我，我無野好講！

今日俾個女班長罵我，我叫佢落去找高副校，佢就話:「你又唔

落，次次都叫我」，我心諗中四次次都係我落，咩都係我做，你

唔駛做好無！佢現在係班度識新朋友，就忘記佢以前的好朋友---

麥凱琪，我真係好想罵佢，點解可以咁無情！

今日又見到佢第二個男仔玩得好開心，可能佢特登激我，見到

咁，我心好酸，好痛！我真係好辛苦，我忍夠啦！仲有兩個月可

以輕鬆，聖誕節，我會係迪士尼同佢講清楚，五年來的感受！

五年來，我都係海童軍的，今年可能真係最後一年，好唔捨得大

家，我走左，可能大家反而開心！我係海童軍入面真係好辛苦，

經常要戴假面具做人，點解大家唔可以好似以前咁！