打日記、上網攪到成三點幾先訓…今日十點應該去做Gym，但係起身已經十點幾了，又見阿正無電話，都知佢未起身，我整好晒野先打比佢，佢剛剛起身！我就搭車去等佢…今日整埋張季票添！無左成四舊水…近排洗大左，要儲錢。多D 做Gym 可以唔駛成日出街同埋又可以抵返條數…之後同佢去做Gym，今次做得好順，可能上次第一次唔係好慣同埋太耐無練過…今日玩左差唔多兩個鐘！之後就去左焗桑拿，有濕蒸同埋乾蒸兩樣，兩種都有玩過，乾蒸就好似普通個D，真係幾有效，不過赤腳就有點熱…坐又唔係、企又唔係！跟著去玩個濕蒸，好多煙，呼吸都有困難，仲要入去無耐就噴蒸氣，熱到熔…好彩無帶Con。玩完就去左沖涼…沖完涼成身舒服晒！

兩點就去左篤波…太耐無玩！不過好好彩亂打都入，被人話我-6…玩左一個鐘就走了。走時諗住拎返張季票個張證，點知要一個工作天，竟然無咁我收左單據就走架喇！拎完張單好順手咁掉左…落到地下阿正先話用個張單可以當季票用住先，哈哈！不過好彩一個工作天就完成，咁我聽日去都有得玩，諗返起都唔知點解咁順手掉左。之後去左搵豬…豬悶左成個朝早，上左去陪佢！點知上到去叫我睇左佢訓…>_< 無奈！

之後臨走時幫佢搵晒D 巴士路線…跟著就同佢去左銀座馬會申請戶口同埋買六合彩喇，仲有個鎖匙扣送添，唔錯唔錯！之後去西鐵站買全月通，再送走豬豬就返屋企。食完飯就上網打日記、整野、睇資料…父子延期到十月十二日，Shit！延多十日呀麻…>_<