今日難得隻豬得閒有時間…一朝早起身整左個早餐比佢，明明洗完瞼都成臉油，不過見到佢食得咁開心真係咩都唔記得晒！食完野我就換衫陪佢搭車，之後我就行去搭車落元朗學車，而佢就返屋企！去到學院，好曬…今日學車都尚且可以，不過有好多位都仲有得改進，死囉！就考架喇…再唔熟D 就會肥，一肥就好貴囉！

學左兩個鐘頭車，有點累！之後落返元朗，豬已經係度等緊我…Sorry 要妳一個女仔係街度等我，唔會有下次架喇！咁岩又走左班968…真係衰。之後就同佢一齊出去CWB…佢就黎開學所以買交具比佢！麵包超人筆袋，佢想要好耐架喇，個傻妹問完價錢仲話貴，行多幾間先！真係可愛…最後都買左送比佢。開心到佢個樣呀…本身諗住去行無印的，不過為食的豬要食雪糕，搵左好多間都無，真係慘！最後七仔攪掂…食完就MTR 去太古城。

一去到，佢係第一時間搵野食…除左食都唔知仲有咩做囉！^^"係食之前去左反斗城睇野，仲影左好多攪笑相。第一次去反斗城，細細個無去真係慘，咁多玩具都無玩過，等到大個左，唔鍾意玩先黎，不過都有好多野好好玩…唔錯！玩完一大餐就去左搵野食，點知一出到黎，唔知豬隻眼裝左望遠鏡，定係個鼻變左做狗鼻，幾百米前的美食廣場都睇到，真係厲害！行左去搵野食，我足足行左三個圈都唔知自己想食咩…最後都係食個拉麵算吧。

食完野就去睇冰雕囉…拎完衫就入去喇！入面都幾凍下…不過好好玩，影左好多相，乜狗屎垃圾都影一餐…唔理係咩黎都影，總之比左錢影唔晒就唔走咁！哈哈…正宗香港人。最尾玩埋個滑梯就走了…完滿結束！豬豬凍到傻左…不過佢咁怕凍都可以捱咁耐，叻叻。之後落返CWB，行左SOGO…豬豬又睇中了，又再次入手！哈哈…計計下佢Lei 個星期都有唔少新衫，不過鍾意唔緊要喇，仲要係Sale喎！買完件衫先知個隻衫的Printing…>_<

之後就返去了，估唔到行左咁耐豬仲係凍凍，去左M記買熱野喝，之後就搭車返屋企了，係車度仲係咁睇返D 相…好開心！係樓下仲咩起豬豬行添…^^

唔知妳今日食飯講既野係唔係真呢？希望我真係做到喇…今日我過得真係好開心，亦都好感觸！

Background Music

妳的一切，對我太重要
我的感性，被妳撩動了
如能讓身體對調，共妳同感應對方心跳
留在這個角落裡，誰還在意這世間紛擾
☆你可知誰在等妳說願意
從單戀，到雙戀
全是那麼不可思議☆
△為妳親手穿上戒指，在妳心裡留下位置
將說不出口的心意，記在這個細小圈子
承諾日後兩顆身體，年月分秒亦當一對
承諾永遠愛著妳，無論地震與塌天都變得瑣碎
﹙從無懼世界快將粉碎﹚△
妳的一切，對我太重要
我的率性，被妳馴服了
從前事統統抹掉，共妳談戀愛每一分秒
如若妳會說願意，隨時贈妳這世間歡笑
Repeat ☆
◇共妳哼出戀愛拍子，在每一句全是「願意」
這闕歌譜出的心意，記下我與妳的開始
承諾日後雨打風吹，長存的愛絕不倒退◇
承諾永遠愛著妳，無論地震與塌天都變得瑣碎
Repeat △with ﹙﹚◇

聽日好多人都要開學了…我這個暑假真係漫長！各位學生要努力呀…