今日九點鐘特登較鬧鐘起身，落元朗踢波…點知班友仔個個咁齊心放飛機，去到一個人都無！明明約九點半，到十點一個人影都未有…我都講明自己十點準時到，點知十點都未有人…之後行去左元朗劇院等！等等等…等到十一點都未有人，我XYZ*(@)#$!%*…得阿正一個落左黎，之後得佢一個陪我，我就由十點係元朗憨居居等到十二點去學車…特登要我咁早起身就係去到元朗等學車！What The Fuck…之後阿正陪我去搭車，點知一出到去就落雨，唔對路，愈落愈大添…How Come？最後等左五分鐘見細細地就沖過去元朗廣場…點知行到去又唔落，個天都…都……都…玩我！之後就去學車，今堂好唔掂，初頭都好地地，係超車個時明明無車，但係個個見我係學神，就一支箭咁係咁沖出黎…攪到我去超又唔係唔超又唔係，比個師父話我無理會交通環境，仆街黎架…明明無車，見到我打燈就飛都飛唔切咁！攪到我今堂有幾個圓圈…無晒心機上，之後都無咩心情，亂咁渣下等落堂算喇！頂…今堂係上得最差的一次。>_<

之後就返返屋企整野食，點知阿正同阿鵬話去游水…仲叫我落去打機添！五點幾六點落左去，都無咩好做…打左幾場就去食野了。我剛剛出黎先食左，只好陪食…跟著行去泳池，點知落大雨，未去到已經濕晒！>_< 未去到已經好似落左水咁…成身濕透。七點到左，等到七點半先有得游…今日好白痴，唔記得帶泳鏡，仲要帶住Con 黎游，一開眼係水度咩都睇唔到，隻眼曚晒！最後都無咩點游，但係去到最尾，拎左明賢的鏡去游，仲玩捉人仔…真係好激，對於唔識游水的我黎講真係好吃力，不過算唔錯，起碼捉到人…

游完成個人散晒…坐肥霍車去食野，食完又打機！不過都係打左幾舖Only…十二點幾就返囉，唔知係唔係凍親，返屋企時好唔舒服，出晒冷汗！返到屋企痾左好耐…>_< 最後沖完涼都係成身水池味！

今日見紅