起身後汁左陣野，之後就出左門口，約左阿釗係銀座等，十一點果然準時！之後去左報名，只收支票，撲空了…之後返返去同豬Lunch… 食完之後玩左陣我就要返公司交野，陪埋豬去買餸先返，交完野就落返天水圍搵阿正佢地，點知佢地Book 唔到場，最後碌齡咋…只係贏得一場，時間過得太快了！-_-"玩完之後同阿正傾開，我諗我都係時間要更新返個會藉喇…得閒可以黎玩下，有時間又可以帶人黎玩下…不錯！

之後玩完就去左銀座行行企企，係度吹水，諗真D 兩年真係咁就過左…想當年大家都仲係同學仔，而家個個都有自己的路要行，兩年改變左好多事了…難得兩年後大家都仲可以咁Fd，得閒出黎玩下，吹下水！真係幾開心…阿基遲下又返去了，又要等到下年七月先有得一齊再玩過！諗深一層，時間真係好快過，兩年前的生活傾返的時間真係好似尋日發生咁…一起溫書一起踢波一起上堂等等！但願友誼永固…雖然聯絡少左，不過大家出黎黎仍然可以玩過痛快