今天是英文日，本黎諗住咩都唔帶的，不過最後都係帶左D Chem返黎！-_-"

返到黎要排隊了，成個星期未排過添！^^ 早會係咁聽英文，最搞笑係李峰係度問Miss 野的對答，佢真係冇野搵野黎問的… 之後返到班房頭三堂就測驗了，真係Shit！不過一早就知架喇，冇計！做晒之後都剩好多時間，真係好多唔識做，已經盡左力做晒要做個D了，之後搵Chem 出黎溫，溫溫下比Miss 叫收返埋佢！個時我睇下個鐘，仲有成廿分鐘，都唔知點捱，只好休息…

完左測驗，就落去MMLC 睇Movie，我落到去都唔係睇，係度聽歌…又係度玩…好快就完左到Lunch 了！今日由於係星期五，所以陪左佢地成班去食Lunch。係新寶食，D野普通都極。=_=食完就返上課室喇！

玩左一局啤牌，之後就要拿拿聲食家長信了！因為今日係最後一日交請假信…好求其寫左封信！之後同明賢、黃進一齊交！我係最尾果個交的…Miss 個樣已經燶到爆，佢簡直嬲到唔想講野咁，不過都佢講左句"I will Call Your Parent" 這句說話完全感覺到Miss 個種心情。

之後落到地下玩攤位，我地三個就打電話回家講聲Miss 等陣會打電話…而我係咁打比老媽子都唔聽電話，真係激氣，好彩之後都打通…完左個活動我同明賢就返課室溫書做功課。個時我想問Bio Miss 野，不過係教員室外已經見到Miss Leung 同Miss Ho 傾計了…

溫到五點幾就俾Miss Leung 趕走喇，佢個時都冇咩講，只係同我地講夠鐘喇喎，要走！我地就行去自修室了…去到一眼望落好好多人，不過好彩咁岩見到個窿，佢旁邊又剛剛好有兩個位，Fit 晒！溫溫下知道個窿揀Poly BBA，真係厲害！七點鐘度就走了…

返到屋企，問返媽咪先知我打完比佢幾分鐘後Miss 就打黎，真係效率高…我問返媽咪點講，佢的對答真係一絕！Miss Ho：喂！你好，請問係唔係李偉麟家長呀？
媽咪：係呀！咩事？
Miss Ho：我係佢o既班主任，我姓何。李偉麟呢係十一月廿五日全方位活動日請左假，話有要事，係唔係呢？
媽咪：係呀…佢晏就唔得閒。
Miss Ho：咁佢上午呢？
媽咪：得。
Miss Ho：因為呢今次全方位活動係教育局承認的，都係返學的日子，所以必須要返學架
媽咪：但係佢下午有事喎！
Miss Ho：咁叫佢上午黎呀…
媽咪：咁佢下午就要走，時間好趕架喎！
Miss Ho：件事係唔係真係咁緊要架？
媽咪：係呀！
Miss Ho：咁都叫佢返黎先呀！
媽咪：咁返半日D費用係唔係一半先？
Miss Ho：唔係架！
媽咪：咁咪係囉！
Miss Ho：咁呀，我地都會搵訓導傾傾件事的。
媽咪：好！咁你地傾掂先喇！
Miss Ho：好！88
媽咪：88

真係估唔到我媽咪會咁答，不過點都好，終於都唔會去的！個活動又辛苦又悶又無聊，加上去左都唔知有咩功課交？其實去這個同去阿昌果個攝影有咩唔同，阿昌果個仲好好多添，起碼唔駛出汗，又平…同埋功課都易做D呀…講返攝影文化，人地去海洋公園都唔會同D咩學科有關係喇…Miss 仲要特登唔俾阿昌果個拎出黎比大家投票…唉！

今日話先得十七人交左錢，講真…都預左喇！咁無聊的活動又辛苦，比錢攞苦黎辛咩？傻仔！