早會成班都被訓話，首先第一單係講鋤D…之前Miss Leung 小息係三樓巡時應該好清楚見到成班人係個角位鋤D，不過佢冇即時入黎捉我地。阿良個時仲係咁拎副牌Show 野咁…今日係Miss Ho 同我地講的…都話左好耐！佢話玩的唔係咁多人，其實事實真係有成十六、七個人有玩過，只不過有D 係好少玩！而佢見到的只係少部份…佢又點會估到有成半班班有玩啤牌呀！之後第二單就係班內相處的問題…個時我已經Get 到係講Penny 了…應該係有好多老師都見到天花板的傑作！不過我今朝一返入課室已經拆左佢落黎…不過Miss 都係講左好耐！

之後Miss Leung 就走了，而我當時諗住上得堂的時候，Miss Ho 仲有野講，佢講的野都好似暗示左係我咁…唔係我自認，而我真係好似佢口中所講個種人，想放棄英文…因為我真係唔識，叫我問我又真係唔知問咩，因為我連咩唔識都唔知，佢真係講中晒我的心聲，佢仲話會開個好Basic 的班比D 真係有心想Upgrade的人先參加…個時我都諗左好耐，佢仲話僧好廣東話教，咁唔去又真係好似完全放棄自己…所以我個時都諗我應該會去的…

被訓話左半個鐘度，終於上堂，今次係我有史以黎最留心上UE 的一次，真係估唔到…>_< 好留心咁聽，好比心機寫低D 例句…其實我都仲有有唔明的，不過起碼比之前明左D 喇，都叫做有進步，我而家有個見標，個目標唔係UE Pass，而係真係令到自己有提升…希望真係做到喇！

UE 完左的小息好平息，我就係度睇雜誌…之後Bio 上堂都係同平時一樣，聽得明的真係少之有少。不過自己真係肯放多D 心機落Bio，好似之前咁的話相信都唔係好困難姐！吉堂的時候個Jerry 真係傻的，成日都話鋤D，次次都係佢叫同埋阿良叫架咋真係…佢地兩個真係玩上癮。之後都冇陪佢傻，係小食部溫Bio，但最後都唔係溫得好多…因為有Jerry 同佳佳係度，又係度玩…>_< 同埋係度睇人上P.E堂囉！

之後Chem Lab 真係慘，今次的Lab 係好易的，不過係煩囉！仲要幾十人用同一種溶液，又要排隊，浪費左好多時間…同埋好多步驟，好易亂…最後我成4:40 先完成…真係耐到無野好講！我連洗野都唔駛囉，因為Vicky 已經幫我攪掂晒，但當時的我仲係度寫結果，可想而知我做得幾慢呢？=_=

放學去左OK 買野，成大班人去買雪糕！^^ 之後同明賢去左自修室溫書，當時我都估唔到佢肯…點知佢真係黎！去到溫左一個鐘頭書度我就去補習了，之後凡點幾返返黎，明賢都仲係度，嘩！真係少有…佢竟然真係等埋我，哈！如果真係可以係咁的話，我溫書有人陪一定更加起勁，更加有鬥心去贏…相信一定會比現時的溫書方式好好多！希望真係可以喇……