今日要交Chem Report，成份功課都唔係抄…真難得！不過頭三堂吉堂被話D 答案錯晒…算喇！唉~我又唔係D咩好學生，答個答案合情合理就是鬼但…起碼成個實驗我知點做，做黎做咩…吉堂用黎溫書，因為今日要測返之前Miss 無返的Chem，溫到物二堂尾堂，就黎返上去時，去左Maggie 個邊聽阿釗唱的MP3…佢真係好勇敢！聽完都幾好笑…

上返課室仲要用咪播出黎，成個小息都係度聽歌仔…真係?死人！跟著個幾堂都係溫Chem…無咩做野同埋聽書…去嬸嬸度食飯又無人…可以邊食邊溫，不過都唔係溫得好多…總係覺得識晒咁，但係要我講返出黎又唔得…明明溫好晒，但又講唔出，做唔到。唉~ 唔夠時間係咁架喇，死背爛背！

到左測個時，係咁寫係咁寫，諗又用左好多時間，真係抵死！最後都係唔夠時間做…不過比我我都係咁上下…因為無睇個Notes，原來有好多係Notes 有，書冇的。等我特登唔睇Notes，Shit…之不過英文Notes 我真係冇咩心機去睇喇！

測完照上堂…不過對返D 答案先，睇完覺得自己錯好多呢…有10分都偷笑了！明明有溫書，但竟落得如此下場？之後好比心機聽書，都係叫明o既，不過一定要返屋企溫囉！唔係好快就忘記得一乾二淨…

放學陪阿暉影印，佢拎我左份Report…嘔心瀝血之作！之後返返學校交比Miss…落返黎諗住走，竟然有人等埋我走，真係估唔到…=_=出左校口，見到……跟著就開始玩跟蹤遊戲…開始成班人一齊跟，之後分兩Team，最後都被發現…諗住走之際又撞返喎…於是再跟過，不過今次要距離遠D，如果唔係又會被發現。去左大橋個邊的小巴站已經唔見左蹤影了…可惜！之後走到鬼死咁大汗，食返雪糕補補…

返到屋企都好趕…沖涼換衫汁野準備補習。今日個Chem 阿Sir 生日，竟然會有個生日儀式，同埋仲有Cake 食添！估都估唔到呀… 之後好快就走了！趕時間去金海魚港，因為今日係公公生日…本黎諗住唔去食的，不過媽咪又話去喎，所以得我同老媽子去食飯…去到都仲要開始，時間剛剛好…去到無耐就上菜！

之前食左Cake，所以食得好少野…最尾個D 糯米飯食唔晒…>_<跟著影埋全家福就走了！同?姨姨去左搭264M回家…返到屋住都十一點幾了…完全無時間溫書同埋做功課！T_T