UE 好比心機測個Section E…真係做到命都無，嘔心瀝血之作！之後Chem 堂Miss 問D野唔識，而家個腦記左好多好亂的資料，好難Load 出黎，記憶力差到死…之後完左Chem堂同阿鋒打架…個時仲以為係玩玩下，點知佢黎真…我就爛左件恤衫，佢就當然冇野爛喇！火到黎，又唔係我撩起佢，佢撩我仲踢我，打咪打，仲要黎真添！Get 到個時真係想黎真的…不過已經被Miss 見到！

之後被訓話，都冇咩野。之後中化堂係咁被阿昌勸，個時真係好火…係咁推佢話唔好BBQ，跟著就聽野了，冇左講野…

唔去的原因真係心情唔好，無謂阻住大家開心…個個都當我小氣，無野好講…我有咩驚？大不了咪再打…

之後返到屋企溫Chem，因為真係好火關係，用左好多的時間溫左好少的東西，總好過無呀…夜晚時分，被很多人勸，我真係唔好意思推，但我真係去唔到，成班都叫我去，我唔係咩大人物，弘我一個唔多，少我一個唔少呀…係都要我去，足足比十幾個人輪住同我講電話，講到我口水都乾，又話咩杯葛我，真兒戲…我個時真係去唔到麻，個個都叫我我，我知你地有心，但係我真係抽唔到時間去…Sorry 左幾廿聲都唔得，仲要係咁被人話我驚，真係無奈，又唔想Cut 線，足足傾左成個鐘…Shit~

之後機都冇得打，好彩去左 X 玩返幾手…又學到野！今日無得渣車，真掃興…我諗之後都冇咩時間再出黎渣車，唉~好唔開心…最後一次都冇得玩…唔知幾點先有機會呢？ 好想渣返轉…

之後五條友係天水圍至元朗不斷遊車河，又去大棠，又去馬田，又去朗屏，不斷係度遊…之後去左朗屏食野，D星洲炒米真係好味…廿蚊係咁上下，真係幾正！之後三點幾先返屋企，四點幾仲係度打緊日記，死未？

其實我個時真係嬲到爆，我咁多年未試過咁嬲同埋咁憎一個人，真係想黎真打返場…事後佢都有同我講野，不過只係咩係唔係嬲呀，係人都睇得出嬲喇，玩認真，我個時真係完全無理佢咩感受，只知道自己好火…但夜晚佢同我講返的時候我已經冇咁火，起碼無個一刻咁嬲…件事都叫完左，不過有冇下次真係唔知，我都唔知幾時係玩，幾時係認真…

不過我真係好對唔住阿昌呢，佢咁比心機去攪個活動我無去到，嘥左佢一番心機，真係唔好意思…