成五點鐘先訓，仲諗住起碼訓返六七個鐘喇！點知八點幾被個電話嘈醒…一睇原來係訊息，曚曚曨曨咁開黎睇，點知係多媒息訊息，自己張Card 又冇上網。即係無得睇，呵呵…係阿昌Send 黎的！不過都睇唔到，算了，繼續訓…訓到十一點幾就起身了！個時仲想繼續訓添，不過已經遲左起身，所以拿拿聲起身整野！都係例牌動作，開電腦先…之後刷牙洗臉個D野！
攪掂晒之後食埋少少早午餐就返返電腦ICQ 左一陣，估唔到Winnie 會知道我生日，多謝晒…之後換衫出門，已經被吹過幾次。亞扁仲話銅鑼灣等…(本黎元朗等架，都係我遲左咁多喇…)之後出門了，今日生日著左新鞋仔…HeHe~好開心！新鞋落地…
之後等車又等左好耐，因無耐之前走左班車…上左車後，係咁係天水圍遊…足足成三四個字呀…真係頂！之後出到港澳碼頭個邊又塞車，阿扁打黎話到左添，個時仲係咁塞，真係起碼15分鐘先到…只好叫佢等喇！>_< 落左車仲要行去Sogo 搵佢地，個時連澤兄都到埋，我竟然係最遲果個？ Oh~ God~ 真係好Sorry 呀…我唔想的！
之後一齊上Sogo 睇野，個時都唔知睇咩的，最後先知澤兄要買袋…去左睇Porter！佢咩止去個刻已經唔襯了，太死板！我就Suggest 佢買Agnes b，佢又話去過睇左，唔鍾意唔岩…唉！跟著就去M 記食下野，係M 記個度睇到個潮人…身穿紫色猿人恤，穿Burberry 短褲，腳踏Addias X Neighborhood…勁！食完野去行東角道同埋駱克道。去左好多水貨店睇Ape…去左7 Half Floor、AnyTime、銅鑼灣地帶、銀座…真係好多野睇，好想買返件Zip Up！新年應該會買的…>_<"
之後行完就搭叮叮，記得上次搭已經成七八年前的事囉，總之好耐喇…感覺好新奇！之後搭船過尖沙咀，到左之後Dicky 話要返屋企，亞扁又跟埋佢走…得番我同Chaks行！狂街心情仍然存在…
行廣東道，見到好多名店，真係正…不過我地唔係想睇這些…係去Take 5 同埋 1001睇野…但去左海港城買野先！Chaks 係Anges b入手，而我就係Calvin Klein Jeans 入手…但只係蚊同牛的對比！Then，去左Take 5 睇野先…第一次去的，D牌子就多，款就真係唔算多喇… Chaks 就睇LVC，我當然睇Evisu喇，冇咩款，戎M 都無 >_< 得道樂…Chaks 話睇中左條四千幾的LVC，我睇過之後真係覺得完完全全唔值囉，咩 Detail 都冇，洗水又唔係出色，普通野咁就四千幾，我寧願買66501-0188囉！之後同佢行去1001睇牛，點知個間野都有RMC 添，之前只係Only For Evisu，而家連RMC 都有埋，唔知山林道個間點呢？ 入左去見到我心愛的戎M，但係顏色唔岩。加上而家對Evisu 冇咩興趣，好驚係咁甩色…
之後怕遲到，極速行去搭車返元朗，點知遲左幾分鐘，但我不算最遲果個…哈哈！我去到的時間亞四、亞呆、深已經到左…真係Sorry，遲左少少…不過都唔係妤多姐，由尖咀返黎元朗好難就岩時間的…跟著唔等埋其他人就去左間Cafe 先…去到感覺好細…之後仲要坐地下，仲要除鞋，真麻煩…因為要等人只好邊玩邊等，玩層層疊…都唔太激咁！無耐，Dicky同埋亞扁都黎埋…叫左野食先，因為太餓了…D 飲品好Cheap、野食又少…真衰！跟著玩啤牌，玩咩橋牌，一D都唔知咩黎！不過以我咁聰明的才智又點智難到我呀？ 太易喇…完全無難度…Then，食完野就玩七級豬，好無奈。咁黑的環境，加上我有散光，好難睇牌…輸左好多！好彩有電話搵我可以趁機走人…
打電話比我的係Yan 同埋阿昌…多謝晒！約左佢地見面，之後落到去，聽到對面傳黎Aaron 的聲音，真係陶醉左…簡直係一個完美的演唱會！Aaron is the best in my heart…佢地黎到就比電話錄音我聽，真係聽唔到係邊個，問阿昌又話好多人，問阿Yan又唔答，無奈…聽左幾十次都係覺得阿昌自己一條友講的，但佢又話好多人喎…真係比佢攪到成頭問號！跟著仲係度攪笑，攪爛Gag，真係頂佢唔順，不過好多謝佢的，咁有膽送段錄音比我…之後返上去繼續我的生日會，無耐個窿都黎埋，齊人了！玩Killer，真係好唔掂，次次我殺人都唔比的…遊戲永遠都係終斷，無奈…跟著就上個生日蛋糕，好靚呀！^^ 成班唱生日歌比我聽，真係好開心…個Cake 好好味…完美！食完又玩Killer，玩到成十二點先走，本黎話十一點已經走的，實在太好玩了，一早就應該玩這個遊戲。之後KCR 送埋亞四回家我先返屋企…
今日真係好開心，玩足一日，行足一日，未試過的…好多謝我的好友，無論係ICQ 同我講生日快樂、出黎對我講生日快樂、陪我過生日會、SMS 我的各方好友…小弟真係感激不盡，死而無憾…今年生日真係我十九年黎過得最開心的… 有自己的禮物，有人地的禮物、有家人的禮物…我真係真係唔知講D咩好喇…老土的說話都要講多一次，真係好多謝你地…
其實我唔公開我生日日期不是想秘密進行，因為就算我周圍講，無心記的點都會唔記住。我唔講比人聽我生日的目的係令自己生日過得開心D，因為我無同人講幾時生日，人地會在當天陪我或對我說一聲生日快樂，即使是一聲很普通的句子，都會令我感受到千萬分的心意在此，所以我真係好多謝咁多位係10月22日同我講生日快樂的朋友，個種心情就係好難講…總之真係多謝晒喇！
提提睇緊我日記的朋友仔，10月26日係 Aaron 的生日。
|
