上第一堂就UE，真係攞命！Section D，開頭都唔知咩黎，哈哈(到左中七都唔知係唔係好怪呢？我都覺)之後問阿暉先知道係Oral 黎…>_< 都係聽左D 讀音，之後練習都冇講野，哈哈…我連考的Format 都唔識，真係唔知到時考點死…之後就咁落堂了！

Then，Bio 堂都冇咩聽過書，不過Miss 好似知道我地讀中文個班人有點不滿，佢成日只係講英文，無理過我地感受！唔知係我同佳佳講時大聲左比佢聽到定係阿良大大聲同佢講唔理我地班中文人…Anyway 佢之後都有講中文，之後都有聽番，但都係得一少部份咋。之後就落堂，真快！Bio D野愈黎愈難，但就愈無聽，聽唔明，又係唔知點死！

到左吉堂，成班去左一樓玩。今次有好多人，我、佳佳、Jerry、明賢、阿立、阿Bee、阿妖、阿良…由於有阿良係度，佢可以張對門鎖左，咁樣玩都冇咁提心吊膽。好多人都要做，我合計做左百幾下左右，算少了！哈哈~~冇功課、冇測驗就一定例牌黎玩啤牌…*_*

之後Lunch 返黎佢地又玩，真係玩過不停…跟著中化堂個Miss 終於返。由我上次冇返學到而家都未上過佢堂。不過佢一黎就派卷比我地做，真係頂…唔駛教書咩？聽阿暉講上次我冇返都係測驗。真係xyz…忽然覺得王敏麗好好添，而家這個中化Miss真係死得，教書已經唔係出色，仲要成日測驗，都唔知咩構造。做完之後仲要我地自己對個下先抵死，真係有咁o既Miss都有？比Miss Ho 還要差，真係冇野好講…中化可能又死埋。都唔知點算囉…

放學同阿昌、阿良、明賢走，途中當然係討論今日明賢手機拍到的短片喇，真係玩到冇野好玩，咁o既野都可以拎黎玩，我真係接受唔到。好Dirty…返到天水圍，明賢話要食雪糕，都知佢冇咁好死架喇，點知要去OK 度買黎食，真係估中左，要換Miffy…陪佢去左天瑞個間買，一買就六條。頂…之後行返屋企時，唔想佢溶，食左三條…真係肥死我喇！唉~我竟然陪佢癲，真係傻仔！不過為fd 無法，之後都唔會了！一次過食三條真係唔肥都幾難！怕怕>_<

返到屋企玩左陣電腦，之後就訓著左，係屋企走廊成條屍咁訓係度，一訓就訓到七點了，有電話嘈醒，不過聰唔切！食飯前得知一件事，真係估唔到…希望我幫到手喇！^^"

食完飯就沖涼玩ICQ打日記了…

估唔到有人同我講心事…不過我都唔係D咩專家，我唔想比太多意見攪到衰晒！希望真係幫到妳…