今日起身諗住拎返個夾，但係唔得閒，冇拎住。之後阿良打黎叫我Send 個報告比佢睇，佢都睇個簡介，之後Send 左比佢，仲叫佢我做完的話會搵佢幫手Print出黎！Then，就要換衫出街，好快就Offline了！屋企內的廢物成日嘈住晒，之後走個行仲要打我，Fuck~ 佢邊夠我打，傻的！之後搭969出港澳碼頭，係車度我真係想喊，我見到咩都覺得好內疚，成眼都充滿淚水。諗左好多野，攪成咁係唔係我的問題？或許真的，但我不想的！我個時真係好內疚，好想喊。最終都可以忍到！到左大欖，媽咪上車，但冇位佢冇上黎。
係車途中，諗個報告仲有咩可以寫，又聽下歌。劉浩龍D歌真係首首都咁正！到左港澳碼頭，落車去左緊會買左張六合彩，之後就行去轉車了，等左鬼死咁耐，之後坐又坐車尾喎，熱到死。到左墳場，去拜爺爺！次次黎都好唔開心，唔知點解，對爺爺的記憶只係好少，但係佢平時好錫我架，細細個成日都抱住我，連影相都係佢抱我，記得細細個成日去爺爺間房玩。佢已經過身十幾年了，已經想唔起仲有咩記憶，只係每次黎到都好唔開心，會諗好多野！究竟佢去左邊呢？ 而家做緊咩呢？ 佢係唔係睇住我呢？ 真的好想回到過去，細個真係好開心，住係建生邨，入麻麻度的時間就一定玩得好開心，細個無咩好諗，鍾意點就點，自由自在。
拜完爺爺後就走了，個時心情都唔係好好，種感覺好酸，好難受！之後搭車去金鐘，落車後經太古廣場轉車，我個時就想行下個廣場，所以佢地就走先，自己一個行太古廣場。個度好多野行，間間都係名店，真係睇到眼花，間間都係只在門外睇幾眼。之後去左間CD 店睇野，見到Aaron 的Conert 已經冇特別版，仲見到普通版的包裝同自己的唔同，我那個真係的特別版嗎？ 我自己都唔係好知，起碼知道一定唔係普通版！之後就去搭968了，因為約左阿鵬係元朗等。到左大欖打比佢，叫佢出黎喇，點知我到左元朗好耐佢都未到，我仲係度等，等到四點幾佢打黎話佢剛剛上車。Shit~個時只好等多陣就行去大橋等佢，等的時候比阿四見到我喎，我都見佢唔到，真係豈有此理，邊有可能架？>_<
五點鐘，阿鵬先到，等左好耐了！Then，去好順福等埋B樂。三個人行去Levis，途中去左新世界睇V3，零機價真係幾抵。之後係恒生個邊見到Winnie個背面，-_-唔係B樂話我知都唔知。到左Levis，揀左幾條比佢試，我建議佢買501的，本黎想佢買523，但太闊佢唔岩。之後個Sales 就建議529，仲話係新洗水，之後阿鵬就試下，其實我覺得501應該好D，不過話晒新洗水，而阿鵬又鍾意，加上501 最細得34，所以最後買左529。
之後就去左食麵，幾抵喎間野。十七蚊，三餸一麵，仲有野飲。食完之後，去左金威，開頭都冇打機的，之後去左玩跑馬仔，開頭都有贏，之後係咁輸。唉~之後睇多陣就走了！佢地就繼續打機，我就K73回家。
|
