今日係阿良生日，生日快樂！

尋晚好早訓的關係，今日六點幾已經醒左，不過再訓返！到左七點先識起身，今日一點都唔趕時間地整野。07:40先出門口，同老媽子一齊出門。佢就行行人路個邊，我就行泳池個邊，應該都無比佢見到。Then，去左銀座M記食個早餐，我都唔識講野囉！啞口無言…之後食完就搭西鐵返學，九點先返到學校。

之後上左去課室，成班去晒MMLC，我都去埋。入到去Miss 話我又會知道佢地係度，-_-佢之前講左架麻！Then 搵左個位坐，坐係慈恩隔離。佢話按咩F 12 舉手喎，接左一下又話我仲咩舉手！>_< 之後整JUPAS 個a.c，要login 改資料。攪好晒冇野做，臨走前當然要按返慈恩果個F 12 喇，之後又俾佢按到我果部機，之後條友行埋黎話我係唔係傻？ 我話佢就傻喇，舉手之麻！超~

返到課室對返之前的Section C，我唔見左喎！>_< 搵極都極唔到，之後都冇對，睇阿昌的雜誌黎過英文堂。小息班病態賭徒又黎喇，我玩左一局就要做了，做五十四下。Then，都冇得再玩，有人爭左我個位。睇住佢地係度玩，明賢又要再做，之後我幫佢頂左廿五下。

Bio 堂好專心聽書，因為之前幾堂都冇聽過，再唔聽就死得架喇！今堂聽個D都幾難，不過都叫做理解得到，明就唔係明晒，但係一部份咁黎就知道做緊咩！成堂Bio 堂好正經地聽書，係尾段有少少累，訓低黎抄筆記。第二個小息黎了，佳佳同Jerry 真係傻架，又話要玩啤。佢地真係賭仔黎，成日叫人賭。無理到佢地，因為要寫野比阿良的關係。諗左好耐都唔知寫咩，小息完左都係寫得最重要、最大隻的一句。

之後吉堂去左二樓，因為兩個賭仔話又要玩喎，結果有佢地兩個賭仔同埋我、明賢、妖。去到我就寫張咭，冇咁快玩。佢地今次玩一隻做三下，真係太少了！炒都係做百幾下。開頭見到明賢係咁做，哈哈！之後我落場，頭幾場都唔駛做，仲周不時有贏添，之後好耐都未做過，已經成為三人的公敵，最後當然輸喇！玩足兩堂，做左兩次九十九下，幾次的五十四下，同埋唔記得有幾多次的數下。合計今日做左應該有三百下左右。

Lunch 我返黎的時候，佢地成班已經係小食部開始緊，不過我應該Miss 左一小部份！唉~ 最好笑係李峰，佢用個種死都唔汁書，永無蝕底的心態黎食蛋糕，佢足足食左起碼八份Cake~ 佢仲要係狼吞虎燕地食，食完仲要唔扔野，真係…無野好講，得個笑！ 諗住冇咩野睇上返課窒喇，點知係樓梯個度聽到話阿昌咀左阿良一啖，成班都嘩然。大家仲要大大聲話阿昌係【戀】o既，之後佢仲要對住我話【駛唔駛我證明比你睇我係直架？】佢個用眼神真係令到我好驚驚…>_<

上到課室上中化堂，佢就叫我地做速讀。真係好難，冇咩心機做下，D MC有時會睇下答案。之後做完就差唔多放學囉！同阿昌去左自修室。到左坐低後，溫左一陣，覺得好唔掂，好想訓，一訓就訓左四十五分鐘了。阿昌仲問我係唔係唔舒服，我都唔知，只知個人好累。Then，都冇溫Bio，因為我而家都係溫緊上一課，上課難個D已經溫左，剩下個D好易，溫唔溫都得！跟住就拎左阿昌本雜誌睇喇，等埋阿昌溫完先走！其間同佢討論班會的活動，佢話BBQ。之後走的時候去左樓下的凍肉舖睇下有咩料，順便記錄價錢，之後又陪佢去百佳睇汽水、啤酒個D價錢。之後就走了，剛剛有班K73，如果唔係的話就會搭西鐵架喇。

返到屋企開電腦之後沖涼。沖完就食飯，食飯老豆問我有咩想同佢講，我知係遲到單野。不過我話冇，佢就講返出黎，仲話同媽咪一齊出門口邊可能遲到。Then 同佢講幾句，佢又發脾氣鬧我，我即刻扔低個碗頂返佢幾句。痴線架咩，咩都亂講，我個時真係好激氣，邊有人會咁樣講野架？唔信我就算喇，仲要亂講野。真係好嬲~~我又冇嬲到扔完碗走入房，我只係拒完繼續坐係度，一粒聲都唔出姐。真係好嬲，個時佢講完野我真係想拍枱走人，佢根本就亂Up一餐，我完全冇咁做過，一味賴，又話我lei 樣個樣！吊~

跟著部電視機就收唔到線號，成屋靜晒。我個時真係仲好嬲，我走去飲水，之後叫媽咪入黎我房。因為我太激氣，完全唔想講野，叫左佢問我野，我打字黎答！足足傾左三四個字。之後佢先走，我個時都冇咁嬲了，下左啖氣。同老豆就咁就嘈多場交了，唉！我都唔想，不過唔到我控制，因為幾次都係佢問我野先，次次都係佢開聲黎話我，我先頂佢幾句。

Then，就打返之前的日記了，就咁又一天喇！間學校真係仆街到無人有，遲到都要打電話，咁衰o既野都做得出，我而家又唔係殺人放火，遲到咋，駛唔駛打幾十個電話，打完屋企又打老豆手提又打老母打提呀？打一個咪得囉！攪到好似好嚴重咁，D書記唔係真係得閒都咁呀？ 無聊成咁？ 痴線架！