今日返到學校都冇上去，而家開始唔俾咁早上課室。唉~下面熱到死。間死人學校又唔開冷氣，我俾咁多錢仲咩？之後上到去開左冷氣都係咁熱，真係好"狗屎" 呀信義。尋日好夜先訓，-_-。好累~ 熱到死人的情況都可以訓到！真係好眼訓。不過之後UE 同Bio 都冇訓，因為今日又要做Lab，又要交Lab Report，份Report 直頭係未做過，真係死人，咁多堂都係度做。UE 上次份Quiz.....1分。Miss 改都賴改，我睇得出，佢首先用一支無墨的紅筆改，可見佢唔想晒墨水喇！第二，佢題題都打晒交叉先，之後佢發覺我竟然有一題岩，改番佢。改的方法好簡單，好慳墨水，可見佢已經知道我D 卷一定冇題岩，比佢咁岩睇到有題岩，佢都唔多願改架喇！我睇到份卷都知佢幾憎我。之後我仲係佢堂做Lab Report，佢都唔走埋黎我附近，因為都Give Up Me~算吧，我英文係好差，我都知短時間冇得改了！遲下完左AL 要進修英文。

之後Bio 堂情況差唔多喇，我都有聽下書，不過又做下Lab Report 咁。(大把人都係咁架喇)死人阿良無端端撩我，我做咩佢做咩，我個時係度聽緊書，我坐返正，佢又跟我。比佢咁撩，之後我就係咁做其他動作，佢都照做，本黎冇咩野架。但係阿昌見到我地咁玩，阿昌就對我講【阿麟，你試下打飛機呀！】我聽完當堂呆左，仲笑左出黎，我都唔想架，真係忍唔到笑左出黎，之後Miss 就話我好搔擾佢上堂，可見佢真係發火。真係好無奈，攪到我好似令到大家嘈咁。雖然我都有玩，係有錯，但都唔係我玩先，玩先係阿良，令人笑係阿昌。Miss 又對住我講，Shit~ So Far 黎講Miss 已經好憎我。之後都冇聽書了，講野都冇喇，冇晒引！只係做Report~

之後吉堂去左一樓做Report 同埋Pre Lab。Lunch 前終於完晒個Lab。下午返到黎做Lab，同Jerry 一組，真係攪笑，我同佢D 意見永遠永遠唔會一致，唔係我特登玩野，係我真係睇唔到有ppt。不過都算做得幾快，都叫準時走得！之後諗住走架喇，但係之前同釗講幫我同昌霸位，咁我見昌都咁上下，咪係度等下佢囉。之後叫到阿鋒同昌一組，串左佢幾句唔做野，繞埋雙手。之後佢都唔係好老脾，不過我冇理，繼續串佢，其實都知我講D野係玩架喇，佢又嬲嬲地咁，之後我講話佢咩都唔做，一味得阿昌做，連李峰都快過你。佢即刻嬲到火屎都出埋咁，睇眼神想打我咁，之後阿威係隔離先講對住佢講李峰就嬲。Shit~ 其實我個時已經知道唔係架喇，阿良平息下姐。唉~ 自從上次喝酒劏之後佢都唔講得笑o既，講幾句就嬲到咁。雖然我係串得多姐，但係明賢、黃進都有喇，我感覺到佢極憎我！哈哈~ 一日之內發覺有三個人憎我，真係慶幸。其實仲有好多的，不過唔係今日的事，廢鬼事打出黎。

之後放學，同阿昌去自修室，但係釗話得一個位，So 昌話返屋企溫喎！So Sorry呢~之後走到去剛剛見到釗，佢係度等Mandy，而Mandy 剛剛係我後面，真係唔好意思，阻住佢地呢！不過我行快D 又唔知個位係邊，做左電燈膽。到左之後，我就溫Chem，完全無阻住佢地兩個纏綿地溫書。佢地六點就走，我就溫多陣，溫到六點九度走了，走時見到個窿，佢剛剛到，真係勤力呀佢！之後行去補習，扁打黎問我Aaron Concert的野，同佢講左一定要買，正野黎！仲話比佢聽DVD 聽日出，仲正！但係佢要考慮。

去到補習，亞珊托亞呆比返之前的Chem Note 我，真係Thanks 晒佢地，咁就有之前冇補的Notes。哈哈~ 忽然覺得好抵…之後補完習就K73回家。返到屋企好累，冇打日記就食野沖涼訓喇！>_<Zzz..Zzz...