今朝唔願起身，個電話響左好耐都冇按佢，之後收音機開埋都冇理佢，七點二先自己醒一醒，但係隻眼係開唔到架，曚下暰下咁睇野，眼皮好重，好唔掂。之後刷牙洗瞼後都好點，個人都醒晒。之後好趕咁整野，七點九先出門口。去到輕鐵站又等左好幾班車都入唔到，好彩個時都未算遲到！之後上左車搭西鐵，見到好多人，明賢、光、暉、Vicky…不用怕遲到！

返到學校上到課堂好熱，涼左陣就去訓教了，但係我地幾個就串阿峰上次唱K 嘔，係咁玩佢，佢又大我地佢有大把貨！好明顯死頂。去到Lunch 前兩堂吉堂由於上次三樓度比校工發現鎖左課室的門，於是我地去左一樓個度，阿昌又跟埋黎，入到去，見到阿立同埋純真，佢地都會黎真係估唔到！之後都冇咩事o既，係臨Lunch 前，純真出去，比人見到，之後門又無關，成班比Miss Wong 捉到正，佢係度同我地係咁講野，又話要咩解決方法，講左幾廿分鐘，最後佢話佢去廁所走。-_-" 一頭霧水....之後叫阿昌寫信比校長建議開多個自修室，不過都係吹水多。唉~

Lunch 完返課室，成班又係度串阿峰。之後阿峰大我地話玩局呀，佢第一場同黃進單挑，佢得三點，黃進十點，已經輸左二百下掌上壓了。之後佢又話繼續，哈！佢又抽，之後我睇到佢張係最細的二仔，哈哈，佢自己抽的，真係無運，我同明賢都加入，最後佢又輸多四百下。哈，合共六百下，放學要還。之後中化做速讀就完了，放學阿峰一支箭走左，話補習喎！-_-" 點都要還架喇！豈有此理~

放學睇到阿良，我同明賢拿拿聲去左廁所拎廁紙黎等阿良，之後攻擊佢，佢中左幾下。好似有點嬲嬲地，不過唔怕，山水有相逢麻！之後同明賢搭輕鐵走了，傻仔出唔到站。同上次條o靚仔一樣。哈哈~