六點幾上床訓，七點幾先訓得著，真慘！訓到十一點幾，醒左一醒，個時係張床典下典下，再訓返。點知電話響，聽完就無得訓了，只係訓左四個鐘度，十五分鐘後拎直髮器比她弟弟。好趕地刷牙洗臉，之後就拎落去比佢喇，佢已經係我樓下等緊我！趕到連袋都無拎比佢。Shit~之後返上去，都無訓了！開電腦搵下Hunter，因為之前借左阿婷三本Hunter，睇完之後好想繼續睇落去，於是上網搵，點知我之前Save的網址全部都Dead Link，係咁搵都搵唔到！激氣~~

十二點幾都仲未食野，又唔肚餓喎，但都要食野，因為遲下先食的話，今晚做節食唔到野。於是自己去整鍋貼，落左好多油，攪到好似炸咁脆，仲好硬添！-_-" 食完野都無洗野，因為太熱了，返房睇Hunter，仲邊玩按摩椅邊睇添！舒服~不過個時已經好眼訓了，但如果係訓的話只係訓得個幾個鐘，訓黎都冇用。之後睇完Hunter，都差唔多入麻麻度了。

換好衫就出門了，臨出門落雨，好彩姐！等左十分鐘度先走，落到樓，老豆話搭專車，我話一定慢好多，我就決定行路。於是我自己一個行，行行下又落雨，不過有傘，不用怕！我行到泳池個邊先見到佢地，哈！我贏緊喇，仲要慢慢行添！行到去車度，佢地都仲未到，我等左五分鐘度老豆先到，佢仲要係跑黎添！哈哈~我贏得太多了。之後就渣車入麻麻度，入到去，大旗領個邊有交通意外，仲幾大獲添！成個元朗都塞車，於是就行高速公路入去。去到都仲未係最遲，因為成個元朗都塞車，叔叔佢地都塞。

等左陣就開飯了，超多餸呀，真係咩都有，但係之前遲左食晏，所以食唔得多，都係食左兩碗。之後仲拎左D野食比Tiger 食。仲同梓澄玩個望遠鏡，但係唔Work~之後我就打下沙包，等左陣就好熱了，返房涼下！之後太舒服的關係，就想訓了！開大個喇叭黎聽歌，太好Feel了！之後表哥佢地拎左BBQ的野食返，成班出左去BBQ，我都冇B 囉！尋晚BBQ完，加上頭先食左咁多野，一點都唔肚餓！係度訓仲好，不過都訓唔到，只係休息下。

我出去時，佢地都冇BBQ了，因為落狗屎，而佢地又剛剛燒野，真係好彩。老豆就返房訓，佢遲D 開工，所以唔出了，我地就要等姑媽車我地出。等到十一點幾就出了，坐車頭真係好想渣車，一定好正！>_<返到屋企玩電腦，玩到點幾先沖涼，沖完又再搵Hunter，同埋上網。之後明賢打黎話阿Bee 去左Ming 度吹水，問我去唔去，我本黎都想去的，但聽佢講得兩條友，-_-之後佢話Call 人去，之後打返比我，我都等左成個鐘都等唔到佢時間就上床訓了，訓左幾十分鐘後佢打黎話無人去，哈哈~ 咁我就可以訓了！成三點先訓~~好累呀