尋晚一訓就訓到今朝九點，自動自覺醒左，可能無開冷氣，熱到醒左。之後去主人房再訓，舒服好多，雙人床正！訓訓下就訓到兩點了，其實仲可以訓的，但係怕訓到眼都腫埋，同埋今晚冇得訓就慘了！之後起身都冇咩做，睇返前幾日的拳霸，之前下載過的，但係冇睇到就Del 左了。見得閒就開黎睇，由於都好多個鐘冇野落肚，好肚餓呀！抬面有盒飯盒的物體，即係開左佢睇食，點知得半盒的妙麵，食完都唔覺食左野。>_<即刻再叮個珍珠雞食，好過無！

睇完拳霸都五六點了，玩左陣電腦就收個個窿電話話七點千色等，整下Lei 樣，整下個樣，成六點九先出門，去左搭K73。到左元朗問下個窿齊人未，佢都話仲欠兩個，我都無咁驚！點知去到千色，原來我最遲，Shit~ 好耐無試過遲到了！我是香港人呢=_-。之後成班又話去人家，又話去富軒，最後都係富軒。去到睇到個價錢都係同人家差唔多之麻，點解唔去人家呢！>_<仲以為個平個人家，點知唔係！

去到一味係咁叫野食，反正任叫，不過成班都唔多食野咁o既，食量太少了！之前去人家同人食，叫夠幾十Round 野食！成抬都係，成個爐都係野食先叫打邊爐架麻！個個都就住就住，一D都唔放。>"<之後食完野都九點幾十點了，成班去左落Games 打機，撞到阿峰。初頭我都無打機，之後打左場拳皇同埋玩下跑馬仔咁，跑馬仔羸左七十幾分，但係一次過比個窿拎走晒！-_-" 第一次羸左場爆冷，咁就無左第一次了！>_<

之後走時同明賢走，睇佢講電話都有點野，係有點問題！之後同佢傾下，佢女友好多野都做錯，又唔識改，大家有點誤會呢，平時見佢笑奇奇，而家點都唔笑，都幾大件事咁，佢傾左成幾個鐘都係講果個問題，不過佢都冇咩野o既，佢都係教佢女友做好點，之後都冇咩野。不過最傻就係我地係坑尾村轉車時唔搭751，等左幾班又搭返761，超傻仔！哈哈~之後陪埋明賢固家我先返。

返到屋企剛剛老豆開工，我就去沖涼玩電腦了，好早就熄機了，一點鐘就上床訓，但係成個新香蕉聽晒都未訓得著，成三點先訓著，Holly Shit~