今日返學又係測足成日驗呀，首先係UE，真係好唔掂，都唔知自己個程度係唔係小學三年級，咩都冇寫到！自卑~之後就Chem Quiz，好似好少野咁，但係都唔係好識做，不過都起碼有寫野，總好過UE呀！之後教書，我咩書都冇帶，因為知道成日都測驗，帶左都係用一陣，之後教得少少野，仲溫叔之前中六D野添！又唔記得晒囉，個腦都記唔到野咁。>_<之後中化測聆聽，都叫做有野寫，不過寫唔切，唔夠時間做。-_-\"

測左成日驗應該可以放學喇，點知由於上次Chem的Quiz成班測得太差，成班留低測到岩晒成止先可以走，本黎可以13:15就放學，我到14:30先做完，Shit~ 仲要等埋明賢，15:00先離開學校。咩都未食，不過又唔算太肚餓。之後返屋企後整左少少野食，就去沖涼小睡片刻。訓左一個鐘度就起身煮飯，20:00明賢打黎叫我出黎打機，Shit~ 咁早出去晒時間咩，結果推左佢\。食埋飯之後，睇埋電視就換衫整野，約左黃進22:30係天慈等，香港人真係出名遲到，真係唔知咁準時做咩，呆等！之後23:05去到Neway，明賢同阿婷都到左了，係阿峰遲到，個時仲係屯門，遲大到。香港人喎……唉！

個時見仲未有房，我、黃進同明賢走左去惠康買一打啤酒。入到房就開始唱K了，因為要等埋阿峰先可以玩話事啤，阿峰到左之後，又要等埋明賢食埋野先開始玩。大約00:30左右先開始玩啤事啤，開頭個幾局因為想快D玩High D，輸左都要喝幾多，開頭個幾局多數都係我輸，攪到我好似呃酒喝咁。之後都冇咩輸，係間唔中輸一兩局，之後阿婷開始愈飲愈多呢，黃進仲勁，玩四局輸三局，飯左好多呢，之後玩到冇晒酒，就落去再買多打黎玩，真係好激。

第二輪，我直頭冇喝過添，係佢\地喝多，玩到尾個時，黃進見我無喝好耐同我單挑，輸左半罐，我太佢\一罐，最後佢\又大我兩罐，之後佢\輸左。哈哈~玩到個時已經04:30左右了，阿峰已經醉了，佢\訓左。明賢又話訓陣，得我、婷、黃進三個唱歌，最後玩足咁多個鐘，05:45就走了。黃進走時去左7仔買飯食，個時阿峰已經唔多掂架喇，點知真係係7仔門口劏左。Wo~~佢\就舒服晒喇，佢\喝得最少都劏。之後黃進唔抵得我無喝，同我玩包剪槌，輸左就喝四罐，玩得好大呢！>_<結果我輸左，Shit~ 係7仔門口慢慢喝，成肚氣呀。之後阿峰唔掂要走先，我就仲係度喝緊，之後阿婷都走埋，得我黃進明賢三個係度，我喝左兩罐已經停左了，我本黎都只係喝左四五罐度，加埋個兩罐，已經可以拍得住阿婷了，最後都係喝得兩罐，因為成晚都冇野落肚，空肚劈左咁多酒又唔劏已經好好了。打埋底的話應該都可以喝多一罐，不過都無謂鬥氣。最後我地三個搭西鐵返，之後我都仲送埋明賢返。

喝得最多，黃進>阿婷>我>明賢>阿峰，但竟然最快劏係阿峰，真係要練下D酒量喇！^^ 唱左成晚K，喉嚨好唔舒服，又沙，又緊，又乾。唔掂~>_<