今日開頭個三堂UE 好難過呀！完全唔知佢講咩？由於今日要即堂交Chem Report，所以係UE堂做左少少開頭的部份，之後Bio 堂Miss 無返，我同明賢就走左去空的課室自修呢，去到無耐，阿暉又黎埋，之後我地三個做Chem時，突然有個校工入左黎，比佢見到！不過佢唔會去報串的，因為佢仲驚過我地，佢已經比我地見到，佢驚我地如果佢燮串的話，日後搵佢報仇，這就是私校的恐怖之處。之後我地就繼續，我打左個電話比阿鋒，問佢點做D 功課，但係我就害左佢呢，佢被阿公捉左，叫阿鋒放學搵佢。Shit~ 害左佢！

之後吉堂我地仲係個度自修，因為黎跟個兩堂都係自修，即係今日有四堂係吉堂呀！真係好晒錢，比左學費的。用左三堂幾的時間做份Report，終於做晒！之後都冇野做，睇佳佳同Jerry 捉棋，好無聊呀！之後個三堂Chem Lab，真係好趕時間，明明係一個人做一組實驗的，我地四個人做一個！諗快快手手攪掂，點知我地完成時，其他人已經完成左了！一個人做仲快，起碼唔會亂。之後就即堂寫Report，好趕時間，D字寫得好樣衰，又好求其咁寫，Fuck~ 晒左我之前做的心機！

放學後同左阿昌去自修室，去到冇晒位，阿釗只係幫Mandy 霸位，唉！之後我同阿昌係圖書館行一轉，借左D Past Paper，跟住行返去就有位了！個時已經四點幾了，溫左兩個鐘頭書後，就走去補習了！我早到左幾個字！等左好耐，之後入到去，原來19:30先開始，我聽到19:00 開始，點知晒左我半個幾鐘頭時間，Shit~

補習個度個呀Sir 係幾有料，但係教得好慢，好晒時間，佢講快D，咁會好好多！因為佢講個D都係之前教過的，只係幫我溫書，-_-" 晒錢！

21:00就回家了，好多野要做，又沖涼又打日記又食飯又想早D訓！唉~ 近排成日都唔夠訓咁。>_<