琴晚玩左成晚之後，返到屋企第一時間當然係沖涼喇，沖完涼個人精神左好多。之後由於要等頭髮乾的關係，所以就睇左陣Hunter。睇到乾晒就去訓了，係訓前Send 左個Msg 比阿鵬同佢講今晚唔出黎玩，之後就訓左。係訓的時候，曚曚曨曨睇到阿鵬的Msg，不過都唔知寫咩，因為個時我仲係訓緊的。

訓到三點幾就起身了，睇個電話有一個未接，係Kitty~我都無諗住去，所以無覆，之後睇返個Msg。原來佢話叫我出黎，同人唱K就得，同佢地玩就Say No。之後都冇覆佢，去玩電腦。(電腦斷左條線>_<)之後去到五點零六點，阿鵬就打黎我屋企叫我去，係咁推佢，佢都死唔斷氣，足足同佢講左廿分鐘，佢都係叫我去。佢仲話佢本黎係迪士尼度過夜的，但都出黎玩，我都唔知搵咩理由可以推佢了，最後都收左線。之後無耐，Penis 打電話黎問我點解唔去，係咁叫我去。之後我就話遲下覆佢喇！轉頭唔夠三十秒，阿正打黎問我係邊，又話叫我出。車輪戰。>_<之後無奈地話出黎，約左八點半係新元中等，肫霍出黎車我地。去到之後，已經見到正同埋肥霍，再等埋阿峰同埋阿基就出發了，肥霍手車係幾好，但係架車就……好"鄧"。入到去南生圍，肥霍停左架車係避車處，個時我都知道要行架喇，係唔知原來係向草個邊打，前面一片黑暗，真係想像唔到出面都有屋的。行左五分鐘度，見到一點光，那時已經知係肥霍屋企了，佢屋企有半邊係水上面，真係好難想像到。

入到的途中係一點光都沒有，沒有街燈，條路又窄，一行出左去就落水架喇。仲要好多蝸牛，又驚踏到。真係行得好辛苦，又好樹，入到去就開始幫手整爐開始燒野食，燒左少少野食咋，因為之前食左飯，佢地仲要買左成廿人的份量，真係-_- 燒完野食就睇拳霸，都係睇左尾個一段。之後就出返去汁野，汁完就出返去馬路玩了，個個都拎好晒野。出到去，搵好地方煲蠟就開始搵石同埋砌爐了，整完一大輪之後就開始煲了。咁大個都係第一次自己玩，舍時都未知點玩的，之前細個都有印象見人玩過，不過都唔多記得了！好勁呢，是但整D野落去就會有火升上去，幾好玩，用水仲正。之後玩下又落下雨，幾刺激！玩到最尾，我地十幾個人一人一啖水一齊整去，好激。之後B樂仲諗住成大桶水整落去，點知唔夠力，成桶水係地下。-_-"蝕左。

玩完之後就走了，我坐阿鵬架車，成大班人去左阿正度拎PS2，之後就去阿鵬屋企玩了。有的打機，有的玩電腦，有的鋤D，有的彈結他，咩都有…之後玩到三點幾明賢同佢女友同埋阿峰就走先，那時都想走的，不過唔想阻住明賢，阿峰又唔識做。-_-之後四點度成班都走了，我同阿正就跟阿鵬同埋肥霍去拎車，之後我同阿正坐阿鵬架車，佢送我地返屋企，送到我去樓下，真係好感激呢…Thanks~返到屋企都已經04:30了，打比老豆報到，之後就沖涼了，沖完就玩電腦打日記，而家已經六點幾了！仲未訓呀，天都光了，都差唔多時間訓了。咁又一天了~冇晒錢了！