今日走左去搭西鐵，因為尋日搭輕鐵差點遲到。-_-"返到學校早左三四個字返到，西鐵真係超快呀！之後上左班房唔駛排隊，都係做下班務咁。之後就上左一堂英文就到Bio 了，第一堂上係新Miss，好掛住Bio Sir呀~~~~~~~個新Miss 用左一堂介紹，之後第二堂就教左少少野咁。聽佢教書覺得麻麻地咁，都係Bio Sir 好好多呀！如果Bio Sir 仲係度教就好喇，我一定會好比心機聽書，仲會好努力讀Bio 添！>_<

之後就吉堂，落左地下自修。不斷玩SMS，-_- 部機收過不停。之後阿昌又係度搞下gag。之後就放學了，去左嬸嬸度食飯，梓灝聽日就要返宿舍，之後都唔會係度食。咁佢就去左讀大學學位了，我只是一個中七生…x_x之後食完就去左圖書館。

去到諗住叫埋阿婷架，不過次次打比佢，佢都唔會聽電話！自己一個去左，去到個時好多位呀！仲以為今日咩日子，有咁多位空左出黎。不過我冇理到，坐低諗下射雕個報告點寫，之後做做下好眼訓，訓左一陣！訓到成三點先開始繼續努力，之後三點三回頭一望見到佳佳、Jerry同埋K俐，咁岩佢地都係剛剛坐低。見到佳佳同K俐都唔覺得奇，但係見到Jerry 先奇，又會係隻做電燈膽架！之後都冇理佢地，打左招呼後就繼續努力了！好耐冇開始係圖書館了，寫左點報告後就做英文作文喇！因為係暑期功課黎架，到而家都未做。哈哈~不過Miss 話可以遲D 交！我寫黎寫去都係得幾百字，之後都冇咩心機做下去了！明賢又Call 我話佢就黎到元朗，叫左佢黎搵我，順便睇下佳佳佢地。五點幾我就走左出去，等明賢。我係圖書館睇下Pastpaper 等，之後一出門口就撞到佳佳佢地，明賢仲未到！-_-" 之後到左都係串左佳佳幾句就走了，廢事阻住佢地喇！個Jerry 又真係唔通氣，都唔識做o既！

之後陪明賢行去金威，因為我穿住校服冇得入去，到左門口我就走了！之後我行去搭車，剛剛架264M 走左，等左好耐先有車。無奈~之後都冇咩野，係架車見到個細路仔拎住侸超人玩具，令我回想返之前我細細個的時候。從前的我，我只渴望可以玩，有玩具，有人陪我玩就已經好滿足，但係而家的我所追求的物質已經不是那廿三十蚊的玩具，真係覺得自己愈大愈浪費金錢，養我真係好唗錢呢！而家的我都好想有人陪，自己一個開心又冇人分享，唔開心又冇得分擔。不過真係好怕…個心好矛盾~我都唔知自己想點！真係好想仲係細路仔，有咩心事第二日就唔記得晒，有咩唔開心，一玩就會沒事！收到一份少少的玩具都可以好開心咁玩足幾年。一份幾十蚊或幾百蚊的玩具對細路仔黎講真係咩唔開心都會即刻無晒。就算冇人陪自己玩，對住D 玩具都可以好開心玩。細路仔真係好，有得比我選舉，我一定會做返細路仔。咩都唔理，每樣野都可以好簡單。呵~可惜沒可能~

之後返到屋企都冇咩做，打返D 今日係圖書館做的報告入電腦，連日記都冇時間打！好早就訓了，成十點就去訓了。不過訓的時間隻眼覺得有塵係度咁，整極都整唔走，痛到眼水不停流。之後係咁滴眼藥水都無用！整左好耐都冇用，就咁就訓左了！