跟住成班人就玩遊戲隊酒了(買左四十罐度)，得阿鵬一個無玩，因為到時有人醉就要照顧，所冇佢無玩！我地一開始就用廿一點黎玩，做莊o既真係死得，以一對六！玩左兩局，莊家一次輸一次羸，所以個個人都喝左一碗酒。之後就再玩激D，每人抽一張牌，最細果個喝，但係自己係唔知自己咩牌黎，因為一抽到就放上頭度比人睇，而自己就只可以睇到人地的牌，跟住就鍾意倒幾多就倒幾多。而我都輸左三四局，都喝左唔少呢！好彩有時阿正幫我頂，因為佢都冇咩點喝，佢可以幫我頂到，最後佢幫我頂左一碗半！Thanks~ 好兄弟！玩個時其實都會知道自己係唔係輸，因為個個都係咁加，而個個我牌都唔係細，心都知道輸得，次次我輸，我自己都係冇加，好彩，喝得唔係好多。玩完這個遊戲都係湊湊埋埋喝左兩三罐姐。

那時已經三點幾四點了，之後就玩辣辣壽司，哈哈，真係好玩，好正。開頭輸好多，係咁喝。個時都冇訓，又係咁喝，已經頭暈暈了，不過未至於醉，繼續玩落去。最後就轉個姐合，我同阿基+肥霍。阿基教我地用戰術，不過都係唔多明同埋大家都唔係好湊。成日都輸，不過之後就我做講果個就唔再用戰術了，我地Radom，終於連贏兩場了！真係勁，我太強了，不過我又唔可以成日玩晒，比左肥霍做講，即刻輸左。>_< 呀~~我唔想喝呀，好暈架！阿基都叫我繼續講，不過見肥霍咁想講，唔好意思叫佢走開！之後都係輸多過贏。個時已經天光了，最後我地玩大D，一局定輸贏，輸左一大杯咁隊。最後我地贏左，唔駛喝。明賢、阿正、Penis佢地喝，佢地三個都喝唔晒一杯，最後我幫返阿正喝埋個D。而個時B 樂同埋阿鵬已經出左沙灘釣魚，而我地成班玩到D 啤酒得返5罐。之後我地成班諗住出沙灘做運動，個時好想做運動呢~最後我地五個人出左去，得肥霍一個訓。個時我完全唔係醉，一點都唔想訓，好想運動。

去到沙灘，得我、阿基、Penis 踢波，其他都去晒釣魚。Penis 連企都企唔穩，唔好話踢波呀，幾次都成個人趺低。真係好好笑，只係得返我同阿基兩個可以踢到，都冇咩引加上有點雨紛，就去左釣魚了。去到真係好驚Penis 企唔穩趺落海，佢又死唔應自己醉，佢連企都企唔度。真係比佢吹漲。去到個時都冇得釣架，因為得三個魚排一支魚杆。不過無耐，阿正嘔黎，所以阿正同埋阿基都返去訓。咁我個時就有得釣喇，第一次！幾好玩，不過成日以為有魚，點知係D海浪。仲成日Click 石，好煩！最後一條都冇。不過釣釣下，Penis 趺左個魚排落水，佢同明賢講，我而家跳落去喇，捉住佢隻手，跟住就跳了，跳完都唔見低，明賢拉都拉唔切。叫我幫我，我個時又係隔離，即刻去幫手，但係又有Bee喎，又唔郁得！真係好難救佢，而佢仲要笑笑口喎，我頂呀，醉都咁，真係白痴！跳落去已經傻架喇，一個魚排5蚊雞，駛唔駛咁博命。佢仲要唔知死，笑笑口，救佢，成個人又唔郁，成個定晒形咁，我同明賢又發唔到力，佢真係唔知死！之後B樂黎埋三個都救唔到佢，佢一味向下發力拉我地落去，自己隻腳又唔借下力向上爬。真係醉得好圴勺。之後要阿瞗就對面過黎出馬幫手，好彩有佢。我同佢出力拉佢上黎，佢上到黎，腳都係唔郁，上半個身係石度，下半身係石外。佢仲唔識整返隻腳入黎，成個人郁都唔郁。真係傻架佢。之後明賢同B 樂都返去訓了，而Penis就係度卷個魚排，有幾百幾千個圈，點卷呀？ 佢都傻架，死都要卷，真係醉得好離譜。好想打醒佢。我地走個時，阿鵬一手拋走個魚排，佢又要去汁返再整，點知成個人趺落石度，睇到都痛呀！為左一個小小的魚排就玩命。-_-" 好想打醒佢。最後話咩佢返屋，佢又唔肯，趺個野已經好痛架喇，仲要唔著鞋行沙路，沙路上仲有勁多貝類，咩佢都唔肯，正一大男人，醉又唔認，咩又唔肯。我跳佢又跳，真係唔識死。

返到去，所有人都訓晒，而我就去沖涼。沖完出返黎，連Penis 同阿鵬都訓埋，得返我一個，個時已經九點幾了！但係我都冇訓，睇射雕。睇下就合下眼訓，睇下訓下睇下訓下。去到十一點幾肥霍就醒左，我個時又合緊，佢出埋門口添！之後見夠鐘，就去睇電視，十萬噸情緣。因為唔多眼訓，諗住食埋晒先訓。就邊食野邊睇電視，睇到十二點幾大部份人都醒了。之後就食早餐，食完就打機了。打機途中見明賢講野，又唔知講咩，我地問佢，佢有話冇野，叫佢講多次，佢又講唔清唔楚，咩咩咩海水咁~都唔知佢講咩！到佢醒後，先知佢發開口夢，佢真係幾得意。其實佢喝左幾碗酒後臉已經紅晒，但又清醒喎！點知佢累到發夢…佢地成班食完野就話出沙灘玩，而我個時又未訓過，佢地走後，我就有床訓，所以我冇去。得番我、明賢、阿鵬、Peins係屋度。開頭明賢同阿鵬就打高達，我又唔識打，只好係廳度睇，睇睇下就訓了。係廳度個冷氣涼過房，所以就係廳訓，不過訓得好唔舒服，成日都覺得隻腳引到咁出好危險，點知訓訓下自己隻腳疾左一疾，哈！真係幾好笑，隻腳差D 趺落地。之後都係決定入房訓。

訓左個幾兩個鐘後，佢地就返黎了，但係阿鵬同明賢就唔知走左去邊！佢地又冇帶Key，終於我起身去開門，>_< 被嘈醒了。佢地個個都想快D沖涼，我冇去沙灘玩是正確的。^^之後阿鵬同明賢都返左了，佢地就去訓了！得我、阿基、B樂、阿正冇訓！係度打機，打到八點佢地都冇未起身，個時我已經好肚餓了！又唔好意思叫醒佢地煮飯。等到九點都未醒，到左差唔多十點都未醒。真係好餓呢！B樂就去話如果佢整就有兩樣餸，都好過冇呀！等佢整，不過個時已經有人叫醒阿鵬了，阿鵬話佢整喎！真係好~等到十點半度終於有飯開，好開心！真係好感激，阿鵬同埋肥霍。食之前大家都好感激佢地兩個。之後有兩碟餸，八個人食，唔駛兩個字，已經KO 左了，不過好快就有鍋雞食了。跟住阿四就打電話黎話Cancel 左自助餐，話改左食其他，仲話$100內攪掂，應承左佢了！之後出返去成鍋雞已經清得乾乾淨淨。食完晒，我都冇幫手，因為有其他人做，而我就睇電視。跟住成班入房玩、聽歌，我個時已經有點眼訓了，不過都係房繼續玩，成班係度聽咸歌，D歌詞真係好抵死，D音好岩。改得好好，哈哈！無耐，阿正話出去行下，個時已經十二點幾了，我真係唔想去行，我決定唔核，係度訓，而阿基都話唔去，最後成班都走晒，得我同阿基兩個係房訓，佢地玩到四五點先返。