已經唔係好記得朝早同埋晏晝做過咩喇，只知朝早幫細妹整電腦！尋日搵左成個夜晚都唔掂，但係今日整到了！不過要佢買過條線，先可以用個CR-RW。佢部電腦都成年冇開過了，對上一次開係04年10月！真係好彩比我整到，如果唔係就會拎去比人整，到時又冇幾百蚊！不過佢部機真係好鬼死難整，一黎廠機硬件麻煩，二黎已經好耐冇開過，之前仲比我攪到個HD 神神地，咁都比我整得返好！都算係一個奇蹟……

之後點過都唔係好記得，應該都係睇射雕過掛！哈哈~~所以日記一定要即日打呀，唔係真係會咩都唔記得。因為我正正是一個咁無記性的人，我都唔知其他人點可以記得咁清楚以前發生過的事o既！我D記性真係太差了…

夜晚，我都係上網睇下波鞋同埋衫褲咁~細妹一返到黎就叫我裝條線比佢。我都照裝架喇，佢又去左沖涼。之後沖完涼就即刻入我房同我講，仲咩唔整埋Lan 線。我個時都有火架喇，咁樣同我講野，我奉旨架？我同佢講聽日先同妳整，而家妳開到電腦都得喇。佢仲大大聲話我，我都冇理佢。之後佢又同老母嘈，叫老母比佢上，老母又聽佢講喎！走黎同我話比佢上網。我當然話唔比喇，我唔同佢整線，老母就諗住自己黎，幫到佢出晒面。我嬲嬲到走左去部機度拆返條線出黎，等佢裝左Lan 線都開唔到機。之後果死人頭就走黎同我搶。同我搶佢邊可能搶得贏。我返房的時間佢又用佢D指甲爪我，我兩隻手同埋成身都已經被佢整到周身疤痕，豈有此理，我嬲嬲地一拳打埋去，佢又要聊我打架先，自己又唔係夠我打，我未打落去已經驚到要用腳擋。最後我都係打左一拳，真係好嬲。我幫佢整電腦整左兩日，佢一粒聲都冇講過，我已經算喇！佢一沖完涼就要我即刻比佢上網，我唔係奉旨的，叫我做野，仲要細過我。頂~真係成肚火…打完佢一拳之後，老豆都比我地嘈醒，老豆喝住我。我就走返房，佢黎問我咩事打佢，痴線架。我會無端端打佢咩，係佢爪我先，我先還手。佢唔聊我打，我邊會打佢。之後老豆叫我比佢上網，個個都幫住佢。個個都咁就佢，佢一開聲就要比佢，寵壞晒佢。佢而家咁壞都係比人寵出黎。佢永遠都覺得自己大晒，有咩唔岩都大大聲就得，仲成日講粗口，女仔人家，同出面朋友講粗口已經唔岩架喇，仲要係屋企對住老媽了都係咁，對住我講一聲粗口鬧我比我聽到我一定打佢。我邊可以忍到無端端比人鬧呀，痴線。

之後同老豆堅持左幾十分鐘，都聽佢話比佢上網，但係心裡非常不憤…無奈老豆都比佢上網。我知佢一上就起碼去到兩三點架喇，第二日仲要去開工，都比佢上網，都唔知為乜。算~你地要寵佢我也無法，只好裝返條線比佢。之後就返房睇射雕，唔理！

真係好激氣，邊有人咁架！憤怒~~~怒~~~~~~怒~~~~~~~~~怒~~~~~~~~怒~~~~~~~~~~~~