Send 左個訊息比Yan，生日快樂！

今日諗住休息一天唔溫書，成日係屋企睇射雕。咁樣就諗住訓耐D喇！點知9:00鐘就有電話嘈醒了，我老豆打黎問我身份證號碼。-_-"都唔知問黎做咩？就咁比佢嘈一嘈！之後就訓返，過多幾分鐘又有電話黎，係我細妹。我頂~佢話落大雨冇帶傘，要我拎比佢喎！都唔醒都唔得喇，真係嬲呀！之後嘭嘭聲拎落去比佢，只係帶左智能卡、Key同埋傘一把。落到樓仲跑去輕鐵站比佢，個時個身已經濕左一半架喇！之後比左把傘佢就做落湯雞，行返屋企！成個身由頭濕到尾腳。成個人都醒晒，返唔訓囉！

抹乾個身同埋換返衫就開電腦玩了，都冇咩好做。(晨咁早冇理由咁快睇射雕)之後12:00食左早餐，之後就開始睇射雕了！邊睇邊開始打內容簡介，睇左百幾頁，打左兩段仔咋，不過簡介多都無用！^^之後睇到三點鐘就係地下訓左，真係訓著左！三點半自己識醒喎，真係好準時，跟住就開收音機聽下新城！生日點唱....最終都係得個聽字！^^"

四點鐘收到明賢電話，佢話去緊阿鵬屋企，問我去唔去。我心諗反正夜晚都要去元朗，早D出黎都冇咩所謂喇！同佢講左要半個鐘黎整野，今日仲帶Con添。之後16:47入站，差唔多五點到左阿鵬度。打下N64，不過次次我都係第一個死！-_-"無引~之後差唔多成七點先出門，我個時八達通都未出站，已經超左時！到左出站時扣左最高車資，$5.8。God~之後搭西鐵落元朗，係西鐵站見到李兆基同埋鄭玉茵這對夫妻，出站時見到佢收$4.1。哎呀~~之前超左時冇左個優惠，頂！出黎元朗冇左成十蚊~~Shit！之後同明賢同埋鵬落左【X】我得個睇字，悶到爆！之後佢地打左一蹶鐘度就走了！出到門口落雨，都幾大添！但見都唔會停，只好衝出去！個頭同埋身濕晒！去到千色，只係得Gobe 同埋Kitty兩個，我地幾個就落左去廁所同埋打機！撞到阿基，之後一齊返去，肥霍都到埋。佢地話人齊喎，之後就行去人家。仲落緊雨，個個都係一把傘兩個人，已經冇位了！得我同明賢冇傘，我地係咁跑去人家，踏過好多水溝。去到人家成身汗，又成身雨！焗到死~之後就入左去開始食野！

食野時，個個人都有新手提，S700i、V802SE、3230、7610…多到眼花！之後仲拎左阿正部機睇片。-_-"功能正好多…唉~有點想換機了！自己部機太少功能了，真係太差了！之後位位埋單$77。走個時仲落緊雨，而且傘只係得幾把，一把幾個人Share。始於有D人濕下身！最搞笑係去到過馬路時，途中有安全島，阿基同明賢一把傘，基一聲叫衝呀(因為就黎有車到)，我地成班都衝過馬路！而明賢就一個係馬路中心度淋雨，想過馬路又有車。只好繼續被雨淋，真係好好笑！之後佢地成班去金威打機，而我都係唔去了，返屋企，一個人行去搭車去左搭輕鐵轉西鐵，行的時間係咁被雨淋，成身濕到…之後去到西鐵話有故障，不過我冇理，只知道班次耐點，我一上到月台就有車，比我趕到！^^之後就轉輕鐵返去，個時已經無雨了！

返到屋企就即係沖涼，之後就睇返Yummy Yummy~睇完就返房打日記了！就咁就一日……要快D睇完本射雕先得，仲有三本等緊我！>_<而今日完全冇去溫書。聽日天水圍自修室唔開，要去元朗溫同埋睇書！唉~~

今日返到屋企，媽媽話我隻眼紅晒，原來係帶Con 帶到咁！x_x 個時閉上眼都有點痛。不過應該訓醒就冇事架喇！